【東方華爾街】劉德華堅持為港劇覓新題材 「雖然辛苦但都要做」

撰文:
最後更新日期:

由企鵝影視及福斯傳媒集團聯合製作,原創迷你劇《東方華爾街》將於明日(24/5)首播,今日就特別舉行全球發佈會,監製劉德華,以及一眾主要演員吳鎮宇、張孝全、譚耀文、張可頤、廖啟智、陳家樂、蔡潔及廖子妤都有出席。

劇集明天首播,發佈會以上市開鑼作儀式。(黃國立攝)

身為監製的劉德華,見到劇集順利推出都非常興奮,回想籌備過程,由於是香港少有的金融劇題材,更有海量的參考資料,過程都相當艱辛。劉德華:「雖然是辛苦,但是需要做。」

張孝全本來有點怕了鎮宇,但很快就被美食收買了。(黃國立攝)

張孝全最初怕咗鎮宇

《東方華爾街》全5集的內容,故事圍繞近20年亞洲金融的發展。兩位男主角是第一次合作,張孝全就坦言有點緊張。「最初有啲緊張,因為跟鎮宇哥不認識,他又不太說話,所以會有距離感。」不過合作過後,因爲鎮宇經常放工後帶大家搵好嘢食,好快就熟絡起來。

至於吳鎮宇,就非常欣賞迷你劇5集的長度。「電影有時太短,5集嘅內容就有較大發揮空間,唔會有太多無聊的對白,反而每句都要你嘴嚼一下。」

華仔今次做幕後,但鎮宇都想跟華仔再鬥演技。劉德華:「我都想呀!」

劉德華:「第二季會有桂綸鎂」

至於監製劉德華及導演黃國強,整套劇花了3年時間籌備,最主要原因是金融題材比較複雜,資料太多又會變成教科書一樣,所以期間要推倒重來。

華仔強調劇集本身好多關於亞洲區的金融歷史,經修改後娛樂性豐富得多。(黃國立攝)

作為監製,劉德華向來參與電影較多,點解今次會對劇集有興趣?「因為我是拍電視劇出身,而家劇集製作質素愈來愈高,所以我一定會拍番劇集,看看將來如何安排。」第一季明天首播,但華仔就率先為大家帶來第二季的喜訊。劉德華:「製組搵到桂綸鎂演出,我沒有落嘴頭的,純粹用劇本打動她,事實上她的角色寫得好好,好到我都想演。」
 

導演黃國強坦言在劉德華身上學到,如何從一個較高要求下創作。(黃國立攝)

張孝全稱被劇中不少的專門對白考起。(黃國立攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。