【名廚爭鋒】謝霆鋒打低外國名廚奪冠 獲FOX首度官方發函祝賀

撰文:
最後更新日期:

Chef Le Mon謝霆鋒早前於FOX Life美食競技節目《名廚爭鋒》中,同嚟自加拿大嘅名廚David Rocco 以東西方美食進行廚藝對決,最終霆鋒奪得冠軍,真係好威威。
 

Chef Le Mon打敗自加拿大名廚David Rocco,奪得第一屆《名廚爭鋒》冠軍。

美國國家地理頻道日前發佈一條官方訊息,就係FOX傳媒集團亞洲製片總監Sam Gollestani發函祝賀霆鋒奪冠,Sam Gollestani喺信入面稱讚霆鋒嘅努力同專業:「作為呢個咁成功嘅節目入面嘅第一位優勝者,無疑係一個偉大嘅成就。呢個唔單止反映出您嘅努力,同時亦係您專業廚藝嘅佐證。我哋感謝您嘅參與,並祝您今後嘅烹飪事業中再鑄輝煌!」

FOX傳媒集團亞洲製片總監Sam Gollestani發函祝賀霆鋒奪冠,係FOX首度對一個節目發出官方信函。

據知今次係FOX首度對一個節目發出官方信函,而今次更加係繼米芝蓮向霆鋒頒佈首位「米芝蓮之友」嘅榮譽後,第二個國際權威媒體對霆鋒廚藝作出官方認證。對於再次得到國際認可,霆鋒話:「好開心,亦都好榮幸。嚟緊當然會繼續努力,希望做到俾世界各地唔同嘅人知道,中菜都可以係時尚同健康,如果大家想圍護中菜,真係要慢慢一步一步走向世界。」

霆鋒嘅廚藝已經連獲兩個國際認可,係叻仔嘅!

+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。