【刑事偵緝檔案】Jessie失憶照嫁大勇報恩　究竟幾時恢復記憶？

無綫深宵時段重播的《刑事偵緝檔案》，眨下眼已經來到第3輯，還記得上一輯的大結局留下一個Open Ending，好多觀眾都睇到發火，究竟Jessie有冇恢復記憶，同大勇有冇一齊，答案要去到第3輯先解開這個懸念，答案是Jessie無恢復記憶，甚至之後跟大勇結婚也是為了報恩，莫非真的未能有情人終成眷屬？睇埋下文自有分曉。

上一輯的結尾，大勇在機場送別Jessie，講了一句「如果你係記得我嘅，你返轉頭啦！」，Jessie真的望返轉頭，之後…完，這個結局令人有想打爆電視機的衝動，亦有觀眾寫信投訴，為何不能讓二人大團圓結局。一切答案在《刑事偵緝檔案III》全部解答晒，Jessie失憶後獨居加拿大，而大勇就千方百計想氹返女友，當然一直不成功，之後還遇上兇案及另一個假的Jessie。

劇情發展離不開大勇查案及追回Jessie，對於不少觀眾來說，其實都幾煩，大勇不斷講返以前的恩愛史，二人相處的點點滴滴，而Jessie就一臉不耐煩，當然啦，現時的大勇等於一個陌生人，講乜嘢Jessie都未必有感覺。雖然如此，經過多集的發展，大勇無條件的付出，最後Jessie為報恩都下嫁大勇，只係將自己真正感受寫落日記，偏偏日記內容又給大勇睇到，最後二人離婚收場，還要是大勇主動提出。

相關文章：

【刑事偵緝檔案】梁榮忠當年跟鍾麗淇分手　趁空檔讀書取得雙碩士​

【刑偵II】方健儀笑大宇讀錯啫時　監製潘嘉德：咁講對演員係傷害

大勇同Jessie拖拖拉拉，足足拖了39集，究竟Jessie能否恢復記憶，跟大勇再續前緣呢？去到40集大結局，Jessie再一次受傷昏迷，大勇在病床前，邊喊邊嘗試叫醒Jessie，之後大勇在醫院外的長椅呆坐，此時奇蹟出現啦，Jessie終於醒返，還記得晒之前的事，說雖然已經離婚，還可以再接受大勇的求婚，終於大團圓結局，至於為何突然甦醒，又突然恢復記憶，其實無需多解釋，只要觀眾睇得開心，咪整個Happy Ending，皆大歡喜。