【宮心計2深宮計】羅霖︰套劇加咗偵探元素　多咗男仔去睇

無綫重頭劇《宮心計2深宮計》美魔女羅霖在劇中飾演高級宮女「徐司珍」，仲同煒哥（陳煒）有對手戲，鬥到難分難解！20年冇拍劇，難得復出拍咗一套，咁有質感嘅劇集，拍出嚟效果又咁靚，羅霖個囝囝有冇睇媽咪套劇呢？

羅霖笑言︰「今晚會播第五集，最好笑我三個仔，仲緊張過我，因為佢地晚晚都會係屋企追劇，初初我都覺得奇怪，究竟佢哋明唔明，因為佢哋讀國際學校，你知古裝四字詞，五字詞語，佢哋係唔明嘅，原來佢哋將電視機中文變做英文字幕，所以就睇得明，尤其是我個細仔好緊張，晚晚追問我今次點呀個劇情，原來今次我哋加入咗偵探元素，所以好多男仔鍾意睇，同埋呢套劇非常用心去拍攝，我都有份參與呢套劇，我非常之榮幸。」

呢套戲用咗兩年時間去拍，期間都好辛苦，但拍出嚟效果又咁好，！羅霖透露囝囝曾經話過想入娛樂圈，自從我帶佢去片場睇我拍戲，畀佢感受一下當時環境，之後佢哋都表現怕怕。一套用心去拍嘅戲，真係少啲心血都唔得～但拍出嚟效果及咁多人支持，咩都值番晒啦！