【深宮計】陳煒毒打袁潔儀20年 究竟太平公主係咪天生殘暴?

撰文:關穎賢
出版:更新:

《深宮計》播出第7集終於開始入戲肉,劇情講到太平公主(陳煒飾)無論如何都要阻止太子妃(胡定欣飾)重建回心院,原因係太平公主將司膳房女史吳翠瑩(袁潔儀飾)囚禁喺回心院,並將佢用鐵鏈鎖住毒打20年,挖去其雙眼,再喺額頭上劃上「舌」字,仲用翠瑩家人嘅生死去威脅佢幾辛苦都要保住條命,如果唔係男嘅就凌遲處死,女就削成人彘,最後更迫到吳翠瑩吐血身亡。究竟點解要費盡心思去折磨一個女史?全部都關係要為愛報仇。

太平公主為先駙馬報仇,不斷折磨吳翠瑩,最後更迫到對方吐血身亡。

話說當年太平公主嘅先駙馬兄長薛顗涉嫌謀反,吳翠瑩因為如實報導見到先駙馬同薛顗有書信來往,所以武則天為咗斬草除根而將先駙馬一齊問斬,所以太平公主就認為吳翠瑩口舌招尤間接害到先駙馬被問斬,而呢件事就證明到太平公主極為心狠手辣、殘忍冷酷。

【深宮計】唐朝酷刑盛行 武則天改良「骨醉」變態過凌遲處死

究竟有幾心狠手辣先做得出將人毒打20年?

據歷史記載,太平公主都唔係一生出嚟就咁心狠手辣,身為武則天最寵愛嘅細女,自細集萬千寵愛於一身。當年武則天同李治因為唔畀太平公主嫁去吐蕃,不惜要佢入住道觀,成年後就下嫁李治外甥薛紹,就算知道母后覺得薛紹配唔上自己,但公主仍然維護愛夫。太平公主原本只係一個天真無邪、不問世事嘅女子,直到薛紹被指有份謀反被問斬後,痛失所愛嘅太平公主就開始覺得變得心狠手辣。同時因為遺傳到武則天嘅政治才華,加上當武則天死咗之後,太平公主想好似母后一樣成為皇帝君臨天下,而眷戀權位。為阻李隆基登上皇位,太平公主施詭計陷害對方,親戚都冇情講!

【深宮計】賴慰玲賣主求榮失敗後要入暴室 下場有可能慘過死

到李隆基登上皇位後,起初權力都落於太上皇李旦手中,而李旦咩都聽晒太平公主話。控制到李旦之後,太平公主就更加放肆,指使宮女喺李隆基膳食中落毒,由於李隆基對太平公主處處提防,最後都落唔到手。落毒失敗後,太平公主豁出去發動兵變迫李隆基退位,但遭兒子薛崇簡勸阻,太平公主完全不念骨肉之情,連自己個仔都唔放過,打到血流披面,可想而知太平公主為咗奪權有幾咁毒辣。