【深宮計】馬浚偉狂賀十億收視 兌現承諾放「裸照」
撰文：冼燕珊
出版：更新：
馬仔同定欣之前話過如果《深宮計》在內地的點擊率破30億就會公開床照。(視覺中國)
TVB 劇《宮心計2深宮計》早前被傳在內地遭禁播，幸好後來排除萬難，終於順利在內地騰訊網上架，點擊率都算唔錯，在劇中飾演李隆基嘅馬浚偉，仲幾乎日日報收視，早前佢同定欣接受傳媒訪問，仲誇下海口，話如果30億收視就公開二人嘅「床照」。
馬仔兌現承諾放裸照，不過只係佢BB仔時期嘅相，非常得意。（微博圖片)
馬仔昨晚深夜就喺社交平台預先報捷，「按目前的點播率，很快要破10億了」，雖然未到30 億，不過佢都畀「前菜」，公開自己張「裸照」，就係佢BB 仔時期嘅裸照，重要部位仲用雞仔Emoji 遮住，真係鬼馬！不過就有網民唔收貨，仲笑言叫馬仔「要放就放啲新鮮嘅相」，可能過20億點擊率就有驚喜呢？