【美女廚房】郭思Suey勁愛日本遊:去秋葉原買gameboy帶當收藏

撰文:
最後更新日期:

Suey話好多人覺得佢似日本人,因為咁佢都多咗好多工作機會。(Instagram圖片)

如果說「放假就去日本食玩買就係港女的話」,以下介紹的《美女廚房》中的「美女學徒」郭思(Suey Kwok)就應該是「港女」的代表。當然,去日本玩等於港女只是一個網路上的說法,不過郭思(Suey Kwok)又的確十分熱衷日本,Suey接受《香港01》時表示:「我1年入面差唔多去咗10次日本,每次去都起碼玩10日以上。」

Suey話:「自己煮嘢唔算叻,最鍾意煮海鮮。」(受訪者提供)

Suey解釋熱愛日本的原因:「日本文化好得意,地方乾淨之餘,風景又靚,嘢食又好味,其實優點真係數唔晒。」Suey表示,其實還在計劃下次的日本之旅:「去過咁多次日本,我一啲都唔覺得悶,嚟緊我仲想去㗎。之前去過東京、大阪、沖繩、北海道,通常會喺市區玩幾日,再入近郊同其他縣去玩。(多數玩咩?)去日本食嘢就用咗最多時間,同朋友都係食完一間接一間。IG嘅相好多都係朋友幫我影,處處是風景,我哋會周圍亂影,哈哈。不過講靚景,就近郊影相更好。」

【美女廚房】一文睇晒5位素人美女 打碟DJ洛兒隨時係全場最靚

【美女廚房】美女學徒TVB代表精選 王卓淇識「食雞」係完美女友

之前記者會Suey冇去,所以比較少人認得佢。(電視截圖)

估下Suey啲相邊度影:

+27
+26
+25

【美女廚房】美女學徒程美段Kiwi形象百變 影過藝術全祼寫真

【美女廚房】美女學徒洛兒Lokyii名花有主 男友係電競世界冠軍

講起日本,Suey就會滔滔不絕介紹景點及好去處,但是Suey說最喜歡的還是大阪。「大阪人好熱情,例如好大聲嗌口號咁,哈哈哈。其實我好鍾意去東京秋葉原,因為有好多二手gameboy帶。我細細個就開始玩gameboy㗎啦,可能係因為gameboy係我爸爸唯一買過比我嘅游戲機,好多game都好好玩㗎,孖寶兄弟、薩爾達傳說、炸彈人、寵物小精靈呢啲我全部都有玩過。雖然宜家已經好少玩,但係我仲會鍾意儲gameboy帶當收藏。不過宜家佢就主要同細妹玩gameboy,我就負責買,哈哈。」

呢張相係咪好有《3日2夜》嘅感覺呢。(Instagram圖片)

Suey嘅收藏。(受訪者提供)

雖然Suey到日本旅行次數1年已經超有10次,不過就覺得自己未算是日本旅遊達人。「達人就唔敢當,因為我啲日文都唔叻,不過去過咁多次都熟熟地路。」至於會不會考慮搵日本人做男朋友,她回答說:「咁又唔想,我好鍾意講嘢㗎,我日文又唔叻,同男朋友傾唔到計咪會好悶?」看來對於郭思(Suey Kwok)來說,香港男仔還是有一定優勢的。

Suey真係好似日本人。(Instagram圖片)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。