首度以父子檔現身 吳岱融兒子Justin未計劃入行:讀書要緊 

撰文:賴家杰
出版:更新:

「鷲哥」吳岱融今日首次與兒子吳政樺(Justin)一同出席商場舉辦的父親節活動,兩父子於現場大玩遊戲,十分溫馨。Justin更講到自小已經係爸爸嘅影迷:「就算佢飾演一個壞人我都咁鐘意。」

Justin首次出席商演,乍看表現相當膽定,但他本人覺得有少少緊張:「自己都唔知要做啲咩,本身自己都唔踢波,今日都踢咗幾吓,可能之後都要請教下爸爸。」但爸爸就覺得阿仔今日踢得好不好並不緊要,都可以當作是宣傳,「因為我踢得叻佢踢得差!」

Justin講父親吳岱融其中一個缺點:皺紋多!。(陳順禎攝)

玩遊戲場面好溫馨,但之後另一個環節裏,Justin被問到要爆爸爸的缺點,「鷲哥」又點睇?「啱啱囝仔講到我有皺紋,咁皺紋可以用嚟演戲㗎嘛,仲有佢話我好細路仔?咁我份人開心嘛,咁某程度嚟講都係優點。」

已屆20歲的Justin,剛剛於外國服完兵役,會不會想跟隨爸爸進軍娛樂圈呢?吳岱融認為仔大仔世界,如果Justin想入娛樂都不會阻止,但要先要讀好書,而Justin就說未有計劃「出年自己會返去新加坡讀書,可能之前會跟爸爸學習呢一行嘅事,至於會唔會做幕前,暫時都唔會定下來,讀書先。」

吳岱融首次與兒子Justin今日首以父子檔出席商場宣傳,同場還有陳凱琳。(陳順禎攝)
鍾淑慧現身力撐老公和兒子,Justin稱暫時以學業為重,未有計劃進軍娛樂圈。(陳順禎攝)
你可能感興趣