【天命】譚俊彥首拍大台劇好輕鬆:唔明大家搵我拍戲總係打打殺殺

撰文:
最後更新日期:

譚俊彥(Shaun)首部喺TVB演出嘅新劇《天命》接下來就即將播放,Shaun都開始要積極為呢一部劇跑宣傳,但始終喺TVB裡面第一部劇會唔會相對地有緊張呢?Shaun直言:「冇緊張,做宣傳都十幾二十年啦,雖然之前係電影宣傳,咁宜家同呢一班同事一齊宣傳,就好似一家人咁,同埋成日都見到佢哋,感覺係唔同啲。」不過拍完之後Shaun都話冇壓力,好輕鬆,Shaun只不過唔明大家搵我拍戲都要搵我拍打打殺殺。

譚俊彥(Shaun)首部喺TVB演出嘅新劇《天命》接下來就即將播放。(葉志明攝)

今日就父親節,其實Shaun雖然身為人父,但佢自己都為咗爸爸(狄龍)特地拍攝咗一個節目叫《父親的告白》,呢個係送畀爸爸嘅禮物。但Shaun都有一名女兒和兒子,唔知道佢又點渡過呢一日呢?Shaun就回應:「今朝已經同囡囡游水,今晚就回番去煮飯畀佢哋食,咁一直都係我煮開飯,大家睇《父親的告白》就知道,但其實我太忙冇時間,所以今晚只能煮完飯食完又要開工。」禮物方面Shaun講到其實女兒一個擁抱已經係最好禮物,並唔需要其他。

Shaun講到劇中大家變到一家人一樣。(葉志明攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。