【公子會】張繼聰最愛不是自己 ? 謝安琪激動:好Hurt㗎大佬!

撰文:
最後更新日期:

已經三年無出歌嘅謝安琪(Kay),日前作客森美和劉翁主持的電台節目《公子會》,為新歌《人妻的偽術》,大談作為夫妻間相處的「偽術」和過去的感情史。

(FB圖片:謝安琪 Kay Tse)

森美在節目上分享一對80多歲,仍然很恩愛的夫妻的相處之道,就是「講多啲大話」,講多啲大話,不是要欺騙另一半,而是即使不由衷,也講多些對方喜歡聽的說話,令對方開心,森美更說:「愛情之中無必要講真話」。然後森美就問阿Kay:「我想睇吓妳個底線到邊,如果妳另一半最愛嘅原來唔係妳,妳想佢講畀妳聽定唔講畀妳聽?」

森美指「愛情之中無必要講真話」。(影片截圖)

阿Kay 馬上好激動地說:「梗係唔好講畀我聽啦,我真係發癲喎,梗係唔得啦,日後點面對你呀?」森美說:「咁可能係好愛個前度呢?」阿 Kay 提高聲線說:「咁你唔同佢結婚?!」阿 Kay 講完自己都忍唔住笑,然後用很無奈的語氣解釋為什麼會這樣激動:「真係好hurt 㗎大佬,打理成頭家真係好攰㗎,你最愛都唔係我,我做咁多嘢為乜呀?係咪先呀?」阿Kay 愈講愈嬲,兩位主持反而在旁邊笑個不停。張繼聰可說是香港娛圈中數一數二的炫妻男,相信他的最愛都一定係阿Kay吧,阿Kay 唔使擔心啦!

謝安琪覺得為頭家付出這麼多,如果老公張繼聰最愛的不是自己,會很生氣。(IG圖片)

+7
+6
+5

【公子會】謝安琪前度係鋼琴大師 森美:就咁聽都型過張生啦

【公子會】謝安琪飛Long D男朋友 多年後向對方懺悔



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。