【詭探前傳】陳安立自爆演年輕版壓力大 與麥子樂游學修齊認怕鬼

撰文:
最後更新日期:

陳安立(Brian)、麥子樂、游學修今日齊齊為新劇《詭探前傳》造勢。早前ViuTV在網上預告,今次飾演三人師父的是一位資深星級男演員,而活動亦揭開此人的神秘面紗,他就是人稱「秋官」的鄭少秋。

對於這個秘密,子樂其實一早已經知道,還稱自己忍得好辛苦,因為身邊不停有朋友問他之餘,自己都好想告訴大家有份和這位超強勁的演員合作,Brian則笑言自己小時候看《楚留香》的時候,就已經知道會同秋官合作:「細個嗰陣無Super Hero睇嘅,跟住睇嗰個角色咁有型嘅,風流倜儻咁樣。」今次可以和秋官近距離拍戲,三人都表示非常興奮,對秋官有讃無彈,Brian直言雖然套劇還沒有正式開拍,但在排開場舞的時候,秋官已經有一種師父的感覺,對大家都好照顧,所以他們相信同秋官的合作會火花十足。

三子與鄭少秋齊齊跳舞,能和這位大前輩合作,三人都表示非常興奮。(黃國立攝)

子樂和阿修拍戲時都有扮演過其他演員的年輕版,相對來講,經驗豐富過Brian,他亦坦言最初公司都給了他好大壓力:「因為前車可鑒,前輩(車保羅)做咗呢個角色啦,扮嘢啦,雖然最後八爺(角色名)過咗生,但好多觀眾好鍾意佢呀嘛,咁(公司話)『Brian,呢個角色好好嘅,你唔好衰咗佢呀。』」不過Brian都好識做,特登約車保羅飲茶聊天,去了解對方的性格,學習對方揣摩角色,發現原來兩者完全不同:「八爺講嘢就好慢條斯理嘅,咁車保羅講嘢好快嘅,好多水吹,咁呢啲都幫到我入到嗰個角色囉。」

阿修今次扮演邵仲衡的年輕版,不過他會集中在自己的角色上:「因為邵仲衡扮演嘅司馬志全係經歷咗好多嘢之後嘅司馬志全,所以變返早前嘅時候,我反而我覺得我個自由度會大返啲,捉啲細節,但就唔需要好似囉。」

陳安立自爆壓力大,同車保羅聊天獲益良多。(黃國立攝)

《詭探前傳》作為懸疑驚悚電視劇,不多不少都會接觸到一些恐怖的內容,而Brian自認好怕聽鬼故:「半夜聽收音機唔記得熄,無啦啦播到《恐怖熱線》嗰啲,會聽到成個人起晒雞皮,好驚。」但是為了貼近角色,Brian一定要熟悉茅山或者道教儀式,還要在傳統的基礎上,融入自己的創意:「八爺有好多古靈精怪嘅發明,傳真機呀等等,年輕版嘅時候已經開始醞釀啦。」所以Brian都要做好多功課。不講不知,原來除了Brian之外,子樂和阿修都聲稱自己受不了,即使子樂拍過好多鬼片,但依然都好驚,而阿修未曾拍過鬼片,表示看鬼片就恐怖,估計拍攝時會應該就OK,因為片場好多人。

該劇將於7月初開始拍攝,不知道到時會有什麼趣事呢?

想不到外表型格的三位男演員,內裡是如此怕鬼故。(黃國立攝)

+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。