【深宮計】周秀娜險被燒死係人為　竟然意外地出現兩個真兇

《宮心計2深宮計》劇情話咁快已經去到25集，仲有最後11集就會大結局，一眾勾心鬥角鬥得愈來愈明顯，而且開始鬥到要搞出人命。上集講到鄭昭儀（周秀娜飾）被迷暈在藏書閣，但藏書閣突然遭人蓄意縱火，她險些死在其中，幸得任三恕（馬國明飾）及時相救先無事。事件在調查後，明顯是人為，而皇后（胡定欣飾）竟然自認是她安排鄭昭儀去藏書閣，不過就唔認係佢縱火。

睇下圖就知宮廷鬥爭的場面。

不過有時啲嘢，唔係你唔認無人知係你做，在各方面的證據下，連皇上（馬浚偉飾）都深信是她的所為，不過為了保持皇室的名聲，他決定搵個替死鬼就算，而呢個替死鬼就係南宮司設（康華飾）。當一眾禁衛去捉拿南宮司設時，她當然是死當無辜，而呢個仲要係死罪，突然由高位變到死囚，個人緊係會崩潰喇。就係呢個時候，有一個人衝出嚟自認係兇手，相信有留意之前劇情的觀眾都知道，有一位人兄一直對南宮司設相當愛慕，無錯，呢個人就係成內侍（韋家雄飾）。他招認了一切罪行，但知內情的人都知道他純粹為南宮司設頂罪而認罪，在玲瓏公主（劉心悠飾）問他為何要這樣做時，他說出了一番相當動人的說話，大約的意思就是願意為南宮司設而死，而當時南宮司設就在他的不處，聽得他的說話後，亦不禁留下了眼淚，她這一刻終於知道成內侍是對她真心真意。