【東方華爾街】劉德華續集不止做監製 應承會演出:想同大家演下

撰文:
最後更新日期:

天王劉德華(Andy)以監製身分出席劇集《東方華爾街》慰勞宴。他受訪時坦言自己雖然擔任監製,但前期因為墮馬受傷,所以好多工作都未能親身參與,既輕鬆又遺憾。提到劇集已確定開拍第二季,問會否繼續以原班人馬演出,他答謂:「未知,要睇劇本係點,再諗下可以點玩同加新嘢。(演埋一份?)可以嘅,到第三、四季先啦!」席間,華哥亦向吳鎮宇、張孝全等一班演員說:「唔好意思冇時間夠大家一齊拍,知道大家都出咗好多力,希望好快有機會合作,唔單止係做監製,我仲想同大家演下!」當吳鎮宇分享自己的難忘事時,華哥又笑住唱許冠傑的名曲《難忘你》:「難忘你的姿態動靜!」非常搞笑。

至於黃國強導演則指自己都好想華哥可以幫手,而福斯傳媒集團高級副總裁嚴嘉念亦宣布ViuTV數月後播放《東方華爾街》,亦正構思第二季劇情,集數將超過五集。

監製劉德華都好想參加《東方華爾街》演出。(梁碧玲攝)

提到劉德華前日(26日)獲邀做奧斯卡評審委員,繼李安、吳宇森和章子怡成為美國影藝學院會員,有資格投選奧斯卡最佳電影,華哥指自己收到消息後都好驚訝:「我自己都估唔到,『乜真係㗎』,我都開心嘅,睇咗咁多年奧斯卡,終於可以到做評審。有啲獎做評審冇得睇片,今次可以名正言順睇晒啲戲先去揀。」而講到最近經常傳出華哥老婆朱麗倩再度懷孕,他即笑謂:「我都期待緊好消息。」

劉德華對於自己能夠成為奧斯卡評審感到驚訝。(梁碧玲攝)

+13
+12
+11


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。