【東方華爾街】同吳鎮宇夾戲唔跟對白 張可頤希望角色「翻生」

撰文:
最後更新日期:

《東方華爾街》第一季已經完滿結束,不少網民都在網上大呼不夠過癮,幸而劇集監製劉德華已明言會開拍第二季。不過原來滿心期待的不只網民,劇組的演員也十分希望可以繼續參與拍攝。昨晚(28日)張可頤於劇集慶功宴得知劇集將會開拍續集時亦表示興奮:「我喺劇情上已經死咗,可唔可以參與拍攝續集要睇編劇安排同觀眾反應,但我自己當然想加入第二季啦!」

雖然張可頤所扮演的角色在第一季因故身亡,她依然十分期望有機會繼續參與第二季的拍攝。(梁碧玲攝)

張可頤久未拍攝廣東話劇集,這次罕見接拍的《東方華爾街》對她來說有何吸引之處呢?她坦言十分欣賞故事背景:「我一直認為金融可以用來象徵香港,可惜相關主題劇唔算多,今次呢套劇集算係開創咗華語劇嘅先河。」

張可頣透露有一場嘅對白完全放飛劇本,全憑大家憑實力捉住感覺自由發揮,令她獲益良多。(梁碧玲攝)

又問及她與張孝全及吳鎮宇演戲是否承受很大壓力,她就回答:「呢一組人好好好易合作,孝全同鎮宇完全冇架子,我都學到好多嘢。例如鎮宇佢就係一個好即興嘅表演者,演戲將時候會喺現場搵感覺,唔會限死話幾時講邊幾句。」她又即場舉例:「觀眾們應該會記得,我哋有一場戲係講大家一齊喺CASH office入面,其實嗰場戲嘅對白喺劇本上全部都冇,全憑大家實力自由發揮。」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。