江美儀帶兩隻愛犬睇樓　講解箇中玄妙：隻狗咁舒服，證明是好屋

江美儀除了演戲了得，主持綜藝節目都好有一手。29日，她在Facebook開live做《美儀睇樓團》，帶大家一齊睇樓，同行的還有兩隻愛犬Teddy和Tina，兩隻狗仔好好動，還着上時下好興的彩虹衫，一直圍繞着美儀，相當可愛，連網友都忍不住大讚它們跟住「媽媽」，非常得意。

坊間有傳帶小朋友和狗睇樓，從其反應可以得知會不會有「邋遢嘢」。科學角度來講，由於狗的「頻道」和靈體相近，據說如果有靈體時，狗會呈現出彩色視網膜，如果在單位裡面亂叫亂吠，好可能是見到不尋常的物體，不過Teddy和Tina完全沒有叫過，還乖乖地趴在飄窗台上，就快瞓覺添，連美儀都話：「你知我做嗰啲玄學節目嘅嘛，如果間屋入到嚟，隻夠係咁舒服嘅話呢，證明呢間係好屋嚟嘅。」

美儀在live中講到頭頭是道，逐一介紹單位的房間和設備，美儀見到外面的海景，都忍不住透露心聲：「其實我希望係咁嘅，我希望有人買層樓畀我，然後帶我嚟呢度，然後歸低同我求婚，咁就perfect啦。」聽到美儀這番說話，難道是在暗示男友？