【無綫裁員】蓋世寶主持節目《一周八爪娛》突煞停:覺得好黑仔!

撰文:
最後更新日期:

TVB近排裁員不斷,繼TVBI裁減60人之後,7月5日體育組又解散,全組30人炒剩5人,真是好突然。

1996年開始主持TVB兒童節目《閃電傳真機》出道的蓋世寶(LuLu),自從2014年向兒童組開刀,全組12人炒剩一人後,於2015年正式轉型拍劇集,但都以閒角居多。2017年9月,LuLu擔任TVBI《一周八爪娛》的主持,節目於海外播出,每個月有4集,每集當一個Show,可以再做主持,LuLu坦言自己都好開心。

惟好景不常,TVBI在今個月初正式解散,並裁走部分員工,但LuLu並未看新聞,照往日在化妝間化妝準備開工,結果突然之間被PA(助理編導)通知節目已經完結:「我化化下妝,差唔多化完,個PA走埋嚟同我講,「個節目已經冇咗喇,今日都唔駛錄,走得喇!」,真係成個呆咗。」她才知道TVBI解散,連當日節目嘉賓翟威廉(Wil也一同被叫停,她說:「翟威廉喺今集嘉賓,佢都係返嚟先知,我哋仲一齊坐公司城巴走,哈哈。」

蓋世寶和翟威廉準備為《一周八爪娛》開工時,突然之間被PA通知TVBI已經解散,兩人還一齊搭城巴離開。(資料圖片)

對於節目被cut,LuLu也覺得好無奈,她透露自己並未被炒,但就自覺黑仔,次次不好的事情都有自己份:「好多監製都話下次搵我,但我永遠都唔知道下次係幾時?」據悉,LuLu和TVB是基本藝員合約,每個月的底薪1.1萬港元左右,現在主持節目又被摺埋,認真慘慘豬。而她和TVB的合約將在2019年2月結束,暫時只剩下為陳寶華擔任總監製的劇集《多功能老婆》開工。

蓋世寶2015年轉型拍電視,難得有主持工作,可惜現在又被摺埋,令她不禁感歎自己好黑仔。(資料圖片)

蓋世寶雖然現在開工不足,但當年做兒童節目主持,相當深入民心,一齊重温下啦!

+6
+5
+4


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。