陳瀅滑水唔著三點色原來有原因 爆好姐妹蔡思貝滑水走光

撰文:
最後更新日期:

陳瀅下月將會開新戲(陳順禎攝)

陳瀅,胡子彤周四(12日)出席尖沙咀名錶品牌發佈會。早前陳瀅忙於工作,難得可以放假,當然約埋三五知己齊齊出海玩啦。陳瀅話:「難得暫時未使開戲,緊係用盡呢個暑假時間,做多啲戶外活動啦,自己最近鐘意咗wakesurfing呢個運動,陳嘉寶老公Epaphras教我地,教完之後我地非常非常之鍾意,個種感覺同滑雪非常之相似,我自本身好喜歡滑雪,但夏天又滑唔到,所以滑水好似同一野咁,係水上個種感好正。」

陳瀅最近愛上滑水。(Instagram圖片)

蔡思貝都有一齊去滑水。(Instagram圖片)

陳瀅經常在IG放閃,唯獨不見三點式泳衣,一眾「粉絲」們甚為失望。陳瀅笑說:「其實點解滑水唔著三點式泳衣,其實係有原因,因為怕走光所以著one piece泳衣,著長衫因怕曬,話說有次蔡思貝試過著三點式去滑水,起水時,在不知情下走光,當時一刻我幫佢影緊相,旁邊何雁詩當時想話佢知走光,但在場有教練,如果大聲講,咪好似篤爆佢,嗰一刻冇講到,諗住佢會好快咁跌落水,點知佢好快學識企板,嗰一刻大家就勁尷尬,但Epaphars真係一個好專業嘅教練,當時教練好淡定話:『思貝隻腳行前少少,企直個人,搵返個平衡點,再整整個bra先。』嗰一刻大家笑死,我地笑原因唔係走光,而係教練講嘅時候好淡定好專業。」

陳瀅喜歡戶外運動,經常會搽防曬保護皮膚(陳順禎攝)

+8
+7
+6


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。