【BB來了】Ali同學張韋怡曾遇「地獄陪月」:佢搞到我個仔生粒粒

撰文:
最後更新日期:

小品劇《BB來了》自首播以來反應甚佳,引起不少媽媽有所共鳴,今晚(13日)李佳芯(Ali)便不幸遇上疑似「地獄陪月員」許朗(姚嘉妮飾),令剛剛出世的囡囡允豬可能接觸到甲型流感病毒!雖然「地獄陪月員」看似劇情需要而創作出來,但他們卻是確實存在,社交網站facebook上便有一個名為「香港陪月黑名單」專頁,讓一班媽媽互相提醒。而在《BB來了》中飾演陪月學員的張韋怡(GoGo),4年前亦遇上過一名極品級的「地獄陪月員」。

張韋怡在《BB來了》中與李佳芯和黎諾懿一起上陪月課程。(電視畫面)

經常在劇集演出的GoGo在4年前誕下兒子Ashton,她當時便經陪月中介以月薪$38,000聘用一名24小時「金牌陪月員」三個半月,不過對方的工作表現不單止強差人意,更加是令人側目,置BB安危於不顧:「試過仔仔喺房裏面嚎哭,我哋拍極門都冇人應,最後破門而入抱走仔仔,原來個陪月食完感冒藥瞓到打鼻鼾瞓到死咗!真係好唔負責任,同埋唔明點解佢要反鎖道門。」

想不知張韋怡差不多4歲大的仔仔Ashton,出生不久時受到不良陪月員「折磨」。(facebook)

+4
+3
+2

GoGo亦直言該名陪月員缺乏專業知識和操守:「個陪月員餐餐都煮同一味紅棗蒸雞畀我,明明我已經唔計補品,每日出$1000坐月餐費。一段時間之後,我先知紅棗蒸雞原來係斷奶餸嚟,而當時我係餵仔仔人奶!同時間,佢明知我因為開刀唔食得膠質嘢,但佢又大煲大煲炆晒我屋企嘅花膠海參,美其名整畀我老公食,但佢叫埋佢個女嚟食埋一份。」

【BB來了】李佳芯演媽媽情緒起伏好入戲 生仔似走過鬼門關無誇大

【BB來了】黎諾懿爆初登人父必講金句 媽媽群組嬲爆話「剪」咗佢

最誇張的是,該名陪月員令Ashton連環中招搞到要睇醫生:「仔仔出世後6日就由醫院返屋企,陪月員堅持要用洗米水開奶,之後仔仔全身出粒粒,陪月員就話佢濕疹,要浸金銀花水,但幾日後情況冇改善過,所以我就帶咗仔仔睇醫生。」醫生指因為初生嬰兒器官功能未完全,所以消化不了含有碳水化合物的洗米水,因為皮膚是人體最大組織,所以即時有所反應。

Ashton仍是手抱咁大時已經好得意。(facebook)

+6
+5
+4

陪月員經歷種種錯失後,才向GoGo和盤托出今次是自己首次擔任陪月工作,搞到GoGo非常不滿:「當時我係揀咗最貴嘅陪月員,仲簽咗約,即使中途唔用,都要支付全額15萬幾,但留佢喺仔仔身邊太危險,所以我都係叫佢提早走。」記者指陪月中介或觸犯法律,問該方面有否向她交代?GoGo坦言沒有:「佢哋仲要話服務好壞係見仁見智!」又指事隔多年已經不打算追究,只想各位媽媽要小心揀陪月員,亦不要盲目相信陪月員的湊B方法,應該多睇多聽尋求專業意見。

張韋怡亦有在清裝劇《天命》中演出。(電視畫面)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。