【早霸王】拍拖10個月嗌分手 男聽眾指死因係無樓無將來

撰文:
最後更新日期:

又到星期五《早霸王》嘅「你知唔知道有人掛住你」環節,今期主角Calvin過去三年speed dating多達50多次!點解會咁熱衷於speed dating呢?佢就話因為想搵到愛,而除咗speed dating之外,佢都有試過用唔同方法去結識異性,但都唔係應work,直到去年,Calvin終於遇上了她!不過,甜蜜過後,二人之前因為一啲小事而分手。「大家都轉工,佢因為新工唔開心,比人恰,我又幫佢唔到,就係因分手,佢唔比我搵到佢。」

之前都有《早霸王》聽眾指為買樓而等足十年先同另一半結婚,連森美都話呢個係心魔。(ig圖片)

Calvin口中所指的小事其實純粹係同女朋友討論,轉工時如果需要查核資歷時,應該填寫邊知位聯絡人最好……咁都要嗌分手?!Calvin終於講出唔少情侶都面對的難題:「無樓令佢覺得無將來、佢有講過希望有自己嘅家。」又係樓!呢個話題其實都出現過《早霸王》好幾次,森美聽到都有少少感慨,並表示:「依家買樓談可容易,我都係靠父幹。」雖然Calvin表示有為將來而努力甚至轉工,但舊愛仍然覺得不足,一句謂晒,唔上進囉。森美話:「唔上進其實一開始就會發現,但佢愛你時係睇唔到缺點,大部選擇來至情緒。」又真中晒point喎。

森美聽到男聽眾speed dating50幾次都呆咗,亦非常好奇點解咁熱衷。(視頻截圖)

之不過,樓真係唔係話買就買,連森美小儀都覺得女方回心轉意機會好微,但森美就認為「唔好放棄愛一個人,知道失敗原因再向前衝,就算將來佢真係比人追咗,話唔定你已經有層樓呢。」電話打通,可惜Calvin舊愛阿欣就話因為工作中唔方便講電話……Calvin只能留言:「你成日都問我如果分手後,會做啲咩瘋狂事,我諗就係今次透過大氣電波同你表白,你成日話我把聲好迷人,不過你經兩幾星期無聽過我把聱啦,如果再有一次機會,我依然會奮不照顧身咁愛你……」唉,講咁多,努力工作搵層樓先啦。

森美同小儀都話今時今日買樓好難。(視頻截圖)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。