【BB來了】黎諾懿成為李佳芯水泡 知悉老婆有咗反應竟然係咁？
撰文：冼燕珊
出版：更新：
黎諾懿今日出席《BB來了》宣傳活動。（葉志明攝）
TVB劇集《BB來了》大受歡迎，男主角黎諾懿今日（14日）出席宣傳活動，他接受《香港01》訪問時，說去年拍攝《BB來了》期間，囝囝「小春雞」大約半歲，所以他對湊新生BB嘅手法依然很深刻，「我好熟手㗎，當時返工又湊B，放工又湊B，好似廿四小時都有BB喺身邊，因為我個仔出咗世，所以我拍劇有很大幫助，Ali（李佳芯）係最受惠嗰個，因為佢本身無小朋友，所以一有湊B問題，都係我幫佢頂。」
黎諾懿剛巧在拍攝劇集前榮升爸爸，所以湊B難佢唔到。（葉志明攝）
黎諾懿在第一集中，當他得知太太有咗時的驚恐反應，令一眾女觀眾喊話想「剪」咗佢，但隨著他在後來盡力做好爸爸的角色，而獲得不少正面評價。諾懿說自己跟太太本身有生育計劃，所以不會有像男主角的反應，但當時也有令他感到錯愕的地方:「我好記得當日嗰個反應，我話『咦，即係生雞仔，唔係猴仔喎!』我好想生猴仔，因為我自己係猴年出世，所以嗰個反應我好記得。」
原來黎諾懿本身想生猴B，因為他自己肖猴，但最後都係生雞仔，其實最緊要都係BB健康，屬咩都唔緊要啦。（葉志明攝）