【BB來了】楊卓娜為角色上堂學陪月 楊怡想生B一定幫到手

撰文:
最後更新日期:

楊卓娜在劇集《BB來了》中飾演「金牌陪月」,因為手法專業,被網友大讚。卓娜在現實中的女兒已經9歲,坦言已經把湊B手法忘得七七八八,她說:「其實我當年生嘅時候都好好彩,屋企有兩個工人幫我湊,又有奶奶媽咪,我老公又有經驗,我成個坐月過程都好舒服。」

卓娜笑言當年生B好多人幫手,所以坐月坐得好舒服。(葉志明攝)

卓娜為了演好角色特地去上陪月班,所以在現實中她也可說是一名「坐月專家」,笑言好多朋友都問佢意見。妹妹楊怡自從與羅仲謙結婚之後,減少幕前工作,問到妹妹可有計劃生B,卓娜說:「佢覺得生B順其自然,無刻意追求,亦無話唔要,(如果有咗BB都唔驚,有妳幫手。)都係㗎,我覺得我依家都幾專業,係一個專業陪月,有好多資訊可以分享,(可以直接做阿怡陪月喎?)都OK㗎,哈哈!」

卓娜笑言妹妹楊怡若生小朋友,她可擔當陪月。(葉志明攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。