【全民造星】郭偉亮坦言要嚴教年輕人：呢個年代嘅人唔夠Harsh！
撰文：翁漢瓏
出版：更新：
ViuTv節目《全民造星》即將啟播，作為星級導師之一的郭偉亮（Eric)出席活動時就大談自己心目中的明星必須具備的條件：「我覺得一個明星可以唔靚仔，但係一定要有魅力，做人要有信心，有自己既style。」問到學員當中暫時有誰能勉強達標，Eric表示：「的確有一個人達到標準，佢都幾受女仔歡迎，但可惜佢太細個，唔夠經驗令到佢有時信心唔夠，佢就係19歲嘅姜濤。」
Eric認為這個時代對年輕人不夠嚴格，坦言搞到年輕人更加要Harsh。（陳順禎攝）
《全民造星》要求升級導師指導近100位學員，自然需要導師們大下苦工，然而Eric卻表現得十分享受，他在接受訪問時笑言：「我好鍾意教人，最叻就係令到人不安同好唔開心。」但是化身惡魔教練，又怕唔怕傷害到年輕人？Eric坦言：「我覺得呢個年代唔夠Harsh，佢哋郁啲拍下屁股就走，郁啲就發脾氣冇耐性，所以一定要嚴格啲對待佢哋。」
Eric笑言自己做音樂經常沉醉在自己世界，今年要多做主持和外界有更多接觸。（陳順禎攝）
除了選秀節目，Eric今年亦有不少幕前工作：「我今年亦同火火做咗個女性選美節目，遲啲ViuTv都會播。遲啲就會拍套劇，今年音樂方面嘅作品的確少咗。我自己兩方面都鍾意嘅，只係做音樂就係留係自己世界，做幕前就係同外界接觸，我都覺得自己唔應該成日留係屋企，應該多啲出下去。」