【入住請敲門】第二輯堅有長髮女鬼飄過 莫竣名唔想諗:過咗去啦

撰文:
最後更新日期:

ViuTV最「猛」節目《入住請敲門》一直不乏一班又要睇又要驚的Fans支持,不停話睇完第一季後好想快點有第二季,又大讚男主持莫竣名(Louis)嚇到爆粗好好笑。終於《入住請敲門II》在周一晚(16/7)終於首播,大家又可以繼續驚到徹夜難眠。

莫竣名在節目首集便到了泰國曼谷一間知名猛鬼酒店,這間酒店的「知名」原因,是曾有一班香港人因航班延誤而入住,最後遇上種種怪事,最終要經入稟小額錢債審裁處向航空公司索償。

節目不時用「眼仔」標示鬼魂位置,惟真正的鬼影未有在畫面上標示。(電視畫面)

長髮遮面女影右飄向左 肉眼也看得見

節目一直都用「眼仔」圖樣標示鬼魂位置,指一切經過擁有「陰陽眼」人士認證,但信不信由你。不過今次終於不用有「陰陽眼」都可以望到「鬼魂」……第一集中後段,莫竣名膽粗粗走進酒店頂樓的宴會廳,打算再上天台探險,但發現通往天台的樓梯擺滿雜物,難以通過。他隨即折返到宴會廳,然後在入口用電筒周圍照。其時,遠處竟然有一個疑似長髮遮面的女性人影,由右邊往左邊飄過……

節目中段,有一個疑似「長髮女鬼」在遠處的門飄過。(電視畫面)

點擊下圖逐格睇鬼影飄過:

放大睇:

莫竣名回應:唔肯定出面仲有冇幕後

至於莫竣名當時是否見到有鬼影飄過?他接受《香港01》訪問時便指自己看不到,他翻看片段後說:「我諗係幕後啩,我都唔係睇得好清楚。(但當時唔係已經清場,得返你同攝影師阿聰?)出面仲有冇幕後喺度我唔肯定呀。(依家翻睇會唔會覺得好寒?)都過咗去啦……」而一眾留意到畫面的網友就分開兩派,一邊便指該鬼影只是一般人影,好大機會是幕後;另一邊就指,該影子的確是……

莫竣名相當沙膽,拍攝時一個人在宴會廳邊敲鏡子邊唱禁歌《夜夜癡纏》。(電視畫面)。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。