袁偉豪自資出處男影集出錢出力為慈善 白色泳褲look盡騷爆肌body
撰文：張嘉敏
出版：更新：
Ben本新書入面大騷爆肌body。
今年書展除了有一眾女藝人的寫真戰之外，亦有不少藝人推出其他類型的書籍，當中包括首次進軍書展，自資六位數字推出處男影集《Benontheroad》的袁偉豪 (Ben)，Ben在書中大騷他的爆肌Body，還親筆寫下了一些他在人生旅途上的所想所感，和各種的領悟，圖文並茂記錄了生活的點滴。而這本影集的收益更會用作慈善用途，扣除成本後會撥捐予慈善機構，好有意義。
有無睇到流鼻血？
書中的靚相更有Ben躺於泳池邊的性感白色泳褲look，以及全裸上陣拍攝的黑白全裸背面相，呢張相出現在最後一頁，雖然相中的Ben非常細粒，但都足以令人睇到尖叫。而與Ben同行到峇里拍攝的女友張寶兒都有客串出鏡，兩人鏡頭前後都勁sweet。問到Ben可會擔心白色泳褲太透，他說：「唔會，無呢個問題，同埋個resort無其他人。」
Ben同女友張寶兒真係好sweet。
Ben話對住個大海全裸那張相先係最大膽的，他說：「除咗以前演出電影《新古惑仔之少年激鬪篇》全裸過一次，今次係第二次，不過對住個海又唔驚畀人睇到嘅。拍攝時個沙灘上面有我哋嘅團隊，亦有其他遊客，有人喺度影pre-wedding，唔係香港人所以無被認出，同埋喺外地個心情會放鬆啲，自己都豁出去㗎喇。」
就係呢張全裸相喇。
Ben又表示其實呢本相集並不是刻意去講究個body：「因為今次唔係show體態，只不過係用一個健康啲嘅身形去影。我想做呢個project嘅原因係想做慈善，同埋想畀自己去組織一件事出嚟，想嘗試一下。相入面造型都係自己構思，有幾個chapter，例如峇里島、過去兩三年嘅生活點滴、同朋友相處、以及工作嘅花絮等等，比較寫實啲。」
仲有好多Ben嘅其他靚相㗎，記得碌到最後睇嗰張背肌相，好正㗎~
+10