【港姐2018】見習建築師Amber想入娛樂圈?「趁後生先有好發展」

撰文:
最後更新日期:

Amber笑得好甜吖,難怪有唔少人都睇好佢。(葉志明攝)

《香港小姐2018》最後20強人選已經有齊,昨日20位佳麗Set個靚頭之後,今日下午亦正式在傳媒前亮相,毫不意外地今屆20位清一色都擁有大學學位以上。參選佳麗之中,除學生外亦有來自各行各業的,由自由潛水教練以至小學教師都有,其中23歲20號的鄧卓殷(Amber)更是香港大學建築系畢業,現職見習建築師。

Amber平時啲相都表情多多。

Amber接受《香港01》訪問時表示自己是去年畢業,剛完成了一年的建築師實習。Amber雖然非常口密不肯說工作時建築師樓的名字,只肯透露它在香港頗有名氣。大家可能會猜想,在有名氣的建築師樓工作又是見習建築師,就肯定是高薪一族,但事實是與大家想的是相反。

Amber攞過建築獎項,應該係一名高材生?

Amber:「(見習建築師人工)其實同普通大學畢業生畢業差唔多。(少過2萬?)睇下個市價係點啦,因為見習建築師都係一個實習機會。(點解會選港姐?)我唔甘心讀咗建築就一直行建築師呢條路,我都想有多啲機會。我覺得18,22唔係成日都有,所以趁後生嘅時候想多啲挑戰下自己。(選完會唔會做返建築呢行?)如果真係選到港姐,當然是履行一年港姐職責,到時再發展啦。因為建築係冇分年齡㗎嘛,但係香港小姐同娛樂圈就係要趁後生先會有更好嘅發展機會。(履行完一年港姐職責會走?)都有唔同可能性嘅,我宜家都未知道。」

+13
+12
+11


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。