Stephy貼靚相引男友放閃 王子首度隔空曬恩愛：我只知道都很美！
撰文：蘇國豪
出版：更新：
34歲Stephy（鄧麗欣）日前公開承認同台灣歌手29歲王子拍拖，並叫外界手下留情給予他們二人空間，再次找到自己愛的人大家都給予祝福。一直都希望感情事低調的她，今日就在個人社交網站上貼一張靚靚相，沒想到吸引到男朋友留言「我只知道都很美」7個字公開晒愛，最後Stephy亦有回應二人隔空甜蜜互動，閃死唔少粉絲。
Stephy再找到最愛亦受到唔少人祝福。（網上圖片）
近來愛情事業兩得意的Stephy相信心情靚靚，就在社交網站上貼一張日落美人照：「日出？日落？紐約的日落，香港的日出，那…有區別嗎？」吸引一班粉絲大讚，除了靚都係靚「靚人，靚景」，沒想到引來一位特別粉絲留言，他就是Stephy男朋友王子：「我只知道都很美」，即時閃死唔少人。之後都想唔到 Stephy都回覆「聽說美會傳染」，二人隔空互動晒愛令人覺得好甜蜜。
王子難得公開晒恩愛。（網上圖片）
Stephy亦回覆互動令人閃死。（網上圖片）
事實上，在二人未公開戀情之前小倆口都對感情事非常低調，更何況公開戀情之後，今次這個互動非常難得，從中亦可見王子哄女仔的手法有幾咁高明，難怪會抱得美人回歸啦！
Stephy好靚。（網上圖片）