【書展2018】Lilian Kan與劉佩玥合作出寫真:阿Moon佢着咩都靚

撰文:林迅景
出版:更新:

時裝設計師Lilian Kan(簡幗儀)今年推出散文寫真集《This Is Lilian Kan, For U》,説起上來已是她的第4本書。Lilian Kan今日簽書會上,更為粉絲們提供特別福利。「第一日(簽書會)大家都好熱情,女孩子們都要求抱抱,我感覺好親切吖。同埋佢哋都有send message畀我,話見到我好開心,好多謝我畀咗好多正能量佢哋。」

時裝設計師Lilian Kan(簡幗儀)已經出了今年第4本寫真。(葉志明攝)
+1
現場好多粉絲專程到場支持Lilian Kan,亦吸引了不少「龍友」到場一睹「女神」一面。(葉志明攝)

不過想擁有這個福利的男生們可能就要失望了,因為Lilian表示,「抱抱」福利只限女生。「男仔唔可以抱抱嘅。(有要求但係禁止咗?)佢哋知我唔會嘅。(咁男仔有咩?)有一兩個男仔有握手。」據知Lilian至現時為止已經簽了近千本書,現場排隊等候簽書人數也非常多,其中有不少人更是一次過攜帶數本予Lilian簽名。問到售書情況,Lilian表示尙未知道數字。「我鍾意到最後先知(賣咗幾多本)。」

Lilian在訪問時談及一件讓她很窩心的事:「有女仔同我講返,最初以為我係:『咪又係賣樣嘅𡃁模』,但係後尾慢慢了解,就覺得我唔係表面睇咁(簡單),會覺得我都係一個好特別嘅人,從而就做咗我嘅粉絲。我覺得呢個過程對我來講係好感動。」

Lilian Kan仲有去Rose Ma攤位交換書。(葉志明攝)
Lilian Kan透露,阿Moon本書入面,而有幾件衫都係出自佢手。(葉志明攝)

書展每年都有十數本寫真推出,那麼Lilian有否留意其他「競爭者」呢?「其他嗰啲我都未睇,不過我同Rose Ma、沙律、阿Moon(劉佩玥)本身都friend嘅,我哋會交換書。」Lilian更說阿Moon書本出現的幾套衣服都是出自她手。「佢書入面有啲衫都係喺我度買嘅,當然佢靚女着咩衫都靚㗎。」Lilian真係好多才多藝!