廖啟智為新戲做「瞓地草根」旺角小販：我細個成日去海邊摸蜆
撰文：林迅景
出版：更新：
估唔到廖啟智同旺角有咁大淵源。（林迅景攝）
《再見．女人街》今日進行開鏡拜神儀式，劉心悠、吳卓羲、廖啟智等人都一同亮相旺角街頭。廖啟智（智叔）在戲中飾演一名賣衣服的小販，與一個姪子關係很是密切。「我都係一啲為口奔馳，同個姪相依為命。（貼地嘅角色？）直頭瞓地吖，衰到瞓地。（草根階層？）根入面最底層嗰啲。」
廖啟智在戲中與小演員飾演倆叔姪。（林迅景攝）
說起旺角這個地方，對智叔來說實在是充滿回憶。智叔：「我係旺角出世㗎，旺角對我嚟講係心入面嘅情懷。因為我幼稚園就喺亞皆老街，細個就已經沿住亞皆老街行。50年代旺角都係一個旺嘅地方，當然冇宜家咁多人啦。」
可能大家對於50年代旺角沒甚麼印象，但智叔仍然清楚記得那時候周遭的環境，無論是書店抑或是當時旺角的海邊。「細個嗰時，塘尾道廣東道已經係海邊，細路仔玩嘅，都係嗰啲啦，摸下蝦吖、摸下蜆。我以前讀書嘅時候去買舊書就係去奶路臣街，不過依家冇咁興啦。以前我哋讀書一定去奶路臣街執舊書，但係一次係執唔晒㗎喎，有啲斷版㗎嘛，起碼行2，3次先執得晒一個學期嘅書。」
+3