【天命】譚俊彥拍劇患情緒病:我開心唔到 希望太太原諒

撰文:
最後更新日期:

譚俊彥加盟無綫後,拍攝首部劇集《天命》,憑戲中「嘉慶」一角,深受視迷讚賞。「好多謝觀眾欣賞呢套戲,一部電視劇裡面有三百至五百場戲,好難確保每一場戲都係經典嚟嘅,咁一定會有啲地方演嘅時候會攰啦,跟唔上節奏啦,自己會睇番邊度演得唔好,希望下次會再做得好啲囉。」

譚俊彥原來係band仔一名,昨日更即席表演自彈自唱。

從事演藝生涯已有18年,譚俊彥經歷過人生底谷,試過三更窮五更富的日子,爸爸(狄龍)曾經極力反對加入娛樂圈,但仍阻擋不了譚俊彥對演藝的熱誠。「爸爸有睇我呢套劇嘅演出,不過佢又唔會畀意見我嘅,因為我有劇本係手,佢又冇,所以佢從來都冇限定我一定要點樣演戲,好似戲裡「嘉慶」一角有躁狂症,殺完老豆,又返入宮中搞大妃子個肚,劇情好亂,我睇劇本就係要捉呢個point。」

陳展鵬今次在劇中飾演奸角,但一眾粉絲好受落,現場最多支持者。

因拍內地劇《冰酒窩》與太太任祉妍結緣,如今已是兩孩之父,最近拍攝無綫新劇《十八年後的殺人的告白》令譚俊彥情緒起伏不定,影響了家庭正常生活。「拍呢套劇好影響自己情緒,呢個角色性格上係陰沉,所以開心唔到,而且經常要拍一啲喊戲,仲要走去殺人嘅戲份,自己覺得有少少情緒病,希望快啲拍完,可以盡快delete呢個角色,但因為仲演緊呢個角色,仍然有情緒病,因為回到家中,我仍冇法表現得開心,希望太太原諒。」

+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。