【全民造星】 ViuTV取笑參賽者 被網民圍剿：無恥到一個點！
ViuTV最近舉辦的選秀節目《Good Night Show 全民造星》話題多多，99位參賽者為咗可以得到100萬獎金同電影、電視嘅演出機會，都洗出渾身解數落力演出，希望得到大家的青睞。可惜，節目播出以來，除了引起唔少大陸網民厭節目老土，惹來唔少笑料外，最慘是連ViuTV官方FB亦會拿參賽者的演出片段重新剪接，加上帶有恥笑性嘅字眼，實行與眾同樂。但這個舉動，無疑是令參賽者雪上加霜，連網民都睇唔過眼。
【全民造星】郭偉亮坦言要嚴教年輕人：呢個年代嘅人唔夠Harsh！
47號Kyle唱歌被嘲笑有喜劇味
其中ViuTV就用「真係睇一次笑一次！佢開聲唱歌就有種喜劇味！」來形容47號參賽者莫健彬Kyle，雖然影片成功得到26萬次觀看以及2千多個留言，但當中有網民質疑ViuTV利用恥笑參賽者的手法宣傳同炒作。對此，Kyle亦明顯有啲嬲，並在自己FB回應：「不理係咪電視效果，係咪要用取笑方式先有人睇咩？認真？如果由差、奮鬥去到脫俗、煥然一新，不是更有感覺？」佢亦承應自己對當日的表演不太滿意，仲話要同觀眾道歉，因為不能帶給你們完美的表演。被人笑，仲道歉，睇嚟Kyle份人都幾大方。
58號保錡個樣似八両金？
除了表演失準，會被人拿出來笑，連參賽者的樣子ViuTV都唔放過，「少年八両金原來係Rapper！即場freestyle有啲E-kids味？」這就是ViuTV為另一位參賽者58號吳保錡下的標題。明明有好多網友都留言叫保錡加油，又大讚佢rap得唔錯，但ViuTV就用「八両金」來形容保錡，保錡亦有就此回應HK01記者，佢稱：「不過anyway，我無認真〈為〉自己似八兩〈両〉金。我想努力做好自己既〈嘅〉想做既〈嘅〉野〈嘢〉，人係〈喺〉經歷中，一定有負評，一定都會有人欣賞，我只係想對自己生存上有一個真正既〈嘅〉記憶。」睇得出，保錡只是想在這個平台努力表演自己。雖然話就話參加得選秀節目，就預咗會俾人討論，甚至被當成笑話。但連主辦方都對參賽者如此殘酷無情，無論如何，實在講不過去。
評審準則勁騎呢
另一方面，節目中的評審余安安、梁泰來、細So、劉翁和星級化妝師Will Or的評審準則亦相當奇怪，唔止令網民睇到眼火爆，就連星級導師劉美君同卓韻芝都俾搞到一頭霧水。
想睇完整版Kyle留言兼網友講咩，睇圖喇！