王浩信公開爆肌秘方 唔靠奶粉同雞胸:我食齋!

撰文:
最後更新日期:

王浩信現身出席尖沙咀著名汽車品牌發佈會,品牌亦安排了《職業特攻隊:叛逆之謎》首映同大家率先欣賞。王浩信身穿西裝外套,也掩蓋不了他的澎湃身軀,身形比之前更fit,肌肉型男的美譽當之無愧。

王浩信係素食者(吳子生攝)

為了配合演好無綫劇集《解決師》中的角色,王浩信不停苦練操肌,務求短時間內達到最佳狀態:「本身個角色係一個殺手,要經過一啲軍人嘅訓練,所以我希望盡量喺身形方面練到好似軍人嘅效果,所以我會去做gym,同埋喺格鬥方面練習,想拉近個角色,想增強自己嘅說服力,同時可以挑戰自己。」
 

王浩信為部戲,不停操肌(吳子生攝)

相信每個男士都好想擁有王浩信的身型,但要成功真係唔係一朝一夕:「本身自己以前都有玩開健身,由我拍《飛虎》嘅時候,己經愛上咗健身呢個運動,其實又唔可以短時間練到,健身真係要長年累月咁累積返嚟,但隨著唔同角色有唔同需要,所以同上一套劇反差好大好唔同,之前係演一個拳手,身形好乾身。」喺飲食方面,需唔需會戒口呢?浩信話:「其實係呢段時間我係食素,反而我喺揀食物方面,要諗下邊一啲食物啱我食,要下多啲苦工,以前就會食雞胸肉,依加素食,要計算卡路里,所以依家我有另一套計算方式,等我再專業啲再同大家分享。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。