【BB來了】高海寧面對婆媳關係無有怕 想生兩個小朋友

撰文:
最後更新日期:

高海寧 (高Ling) 昨 (26晚) 出席 《BB來了》宣傳活動。她坦言雖知道這是一套好劇,但沒想過反應會那麼好:「第一集播出起已經好多人討論,好似第四集就過左30點。我自己呢排忙,無時間睇網民留言,但出街都聽人讚呢套劇夠貼地,夠生活化。劇入面嘅媽媽谷其實就代表緊香港有個差唔多嘅BB論壇,我知道套劇係個論壇上都好多人鐘意。」高Ling更劇透說自己飾演的Katrina在結局篇時會懷孕!劇集很快便進入結局週,會否怕觀眾不捨得,覺得「未夠喉」?「所以可以拍續集,講允豬變大個同拍拖,身為爸爸嘅諾懿應該點面對,我諗應該都好貼地。」高Ling開到聲,希望監製會順應民意吧。

高Ling自言由婆婆一手湊大,所以向來善於和長輩相處,婆媳關係不是問題。(葉志明攝)

【港姐2018】同黃夏蕙契女撞樣? 高海寧當笑話 :唔覺好似!

【C9特工】高海寧會體諒另一半呃自己 馬國明:要了解咗先

那現實中的高Ling是如何面對婆媳關係呢?「我係被婆婆湊大,所以好識同長輩相處,」更指曾遇過的男朋友媽媽都很好人,自己有信心會應付到未來奶奶。談到家庭大計,高Ling就想生兩個小朋友,因為她很喜歡小孩,也因此經常和黎諾懿兒子玩。「不過諾懿個仔好痴爸爸,所以我每次去佢地屋企,諾懿要專登匿埋,佢個仔先會同我玩,如果唔係佢個仔目光只會集中係佢身上。」

高Ling和黎諾懿兒子玩時,諾懿要故意匿埋,否則兒子只會一味黏着爸爸。(葉志明攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。