【任噏亂評】盤點2018前半年三大視后黑馬 邊個最有機會跑出？
雖然距離《萬千星輝頒獎典禮》還有一段時間，但2018已經過咗半年，TVB今年推出的劇集都相當高質，當中相繼出現三位女主角，更被網民大讚演技出色，個個都有資格問鼎「視后」，真係是但一個拎唔到都無天理，看來「最佳女主角」之爭可算是近年最激烈的一次。
陳煒 《宮心計2深宮計》飾霸氣黑魔后太平公主
陳煒（煒哥）在劇中飾演太平公主，眼神凌厲，一舉手一投足甚具霸氣，當中有幾幕都非常精彩，包括當被駙馬武攸暨發現，太平就是十五月圓鬼魅之說背後的造謠者，她與駙馬展開爭辯，口中雖然講盡蛇蠍毒話，又因為憶起亡夫而悲慟不已紅了眼眶，煒哥同時演繹悲慟與冷酷無情，令人又憐又恨，非常精彩！
【深宮計】太平公主看似無情卻有情 踏上成魔之路只因要保護摯愛
李佳芯 《BB來了》飾港媽唐恬兒
原本覺得視后之位應是煒哥的囊中物，但看過《BB來了》之後，又覺得李佳芯(Ali) 可以跟煒哥一較高下。雖然《BB來了》只是小品劇，Ali那句：「女人生仔就係將事業、身材、樣貌All-in呀！」將觀眾帶入戲中，不只令生過嘅媽媽們都因為有共鳴而同哭，連未生過嘅男女觀眾都睇到眼濕濕。Ali從未生過BB，卻能把一個意外懷孕的港女情緒，完美地演繹出來，相當不簡單，而且比起太平公主，港媽這個角色要更來得貼地一些。
【BB來了】The Rock學做好爸爸 陪女友入產房：這過程改變你一生
黃智雯 《三個女人一個「因」》飾演人格分裂律師方以因
煒哥同Ali都好好戲，但大家都唔好忽略咗黃智雯（Mandy），在年頭播出的《三個女人一個「因」》中她也有出色表現。Mandy其實一向都是好戲之人，但之前演過的角色都沒有太大的發揮空間，有人說《三個女人一個「因」》是她的「視后考牌作」，她的成績大家有目共睹，一人分飾三角已經很難，Mandy不僅可以精準地演繹三種人格的特質，最厲害的一幕，可說是她扮演方以因模仿愁擘擘。其中一場戲講述方以因扮愁擘擘試探袁偉豪，等於Mandy同時間處理兩個角色，而她是做得相當到位，演技值得一讚。
【三個女人】袁偉豪網爆黃智雯豎中指無碼版 Mandy：為藝術犧牲
個個都做得咁好，但視后寶座只有一個，到底花落誰家？煒哥在《深宮計》中的表現非常突出，光芒一度蓋過其他劇中演員，不但有多位藝員朋友認為她實至名歸，在民間呼聲也極高，一度有網民開帖直指「如果煒哥拎唔到視后真係無天理」，獲封「民間視后」。而且《深宮計》是TVB本年度重頭劇，投資過億元拍攝，又與內地騰訊合作，收視破30億。
而《BB來了》只是小本製作，小品戲好少發圍，雖然《B》暫時成為本年度最高收視劇集，但以TVB過往慣例，獎項都會以大製作行先。Ali 早前接受《香港01》訪問，言談之間也有透露能憑小品戲奪視后的機會不大。Mandy雖然交出亮麗成績表，盡二百分的努力把角色演好，不過年頭播出的劇作，去到年尾多數沒有人記得，可以掙獎的機會更微。所以就咁睇，煒哥的贏面似乎最高。