【專訪】前亞姐吳嘉星闖荷里活 首年即拍劇:有人話我快過好多人

撰文:陳栢宇
出版:更新:

荷里活璀燦閃爍的銀色世界,是每一位演員的夢想舞台,是歌舞片《星聲夢裡人》(La La Land)主角Mia(Emma Stone飾)屢敗屢戰的地方,亦是黑白片《大藝術家》(The Artist)男女主角互相交錯的地方。兩年前,演員吳嘉星(Kathy)暫時放低在香港演藝事業,重回成長之地美國加州洛杉磯發展,在光影世界的中心點,找尋屬於自己的電影夢。

曾經參加亞洲小姐競選,並在比賽中羸得美國賽區冠軍和友誼小姐的Kathy,在香港發展近8年時間中,參與過不少賣座電影的演出,包括《鎗王之王》、《報應》、《車手》、《華麗上班族》、《踏血尋梅》和《三人行》。到2015年因為參與荷里活製作的電影《Lady Bloodfight》,在戲中擔任好打得的第二女主角而嶄露頭角,而Kathy亦以此為跳板隻身勇闖荷里活。先後在美劇《Pure Genius》和《Counterpart》演出的她,年初便與金馬影后歸亞蕾在荷里活電影《大青樹下》中合作。

訪問當天,吳嘉星全程滿臉笑容。她講自己在荷里活發展的點點滴滴時,更是非常雀躍,令人聽者覺得自己都好應該跳出香港框框,去外地闖一闖。(黃國立攝)

去荷里活首先影Headshot 再盡力擠身入工會

其實想入荷里活做演員應該要點做?Kathy接受《香港01》訪問時便分享自己經驗:「一去到美國就要搵Studio影Headshot,要Update自己資料,要搵經理人,亦要去了解遊戲規則點玩。到參與咗三個荷里活工會有份嘅製作,你就可以Join工會。」

聽落容易,實際卻是非常困難,這一刻你可以登門,別人卻未必讓你入室:「《大青樹下》嘅男主角係一個外國人,佢喺荷里活十年喇,我同佢講我第一年就有劇拍,佢即係嘩一聲,話我比起好多人快,因為有唔少人浸咗7、8年都未入到工會。」

上述所講的「Headshot」即是港人俗稱的「大頭相」。一張好的「大頭相」絕對能夠提升演員得到角色的機會。根據一些網上資料,一張演員「大頭相」應包含多種元素,例如:能夠突顯出演員特質、夠簡潔,以及不應過於濃妝艷抹。吳嘉星這張「大頭相」絕對是完美示範。(Instagram)

入荷里活為打破既定印象 曾經質疑自己決定 

到底是甚麼原因驅使她放棄香港的事業,到荷里活重新發展?本身在香港工作不斷的Kathy所想絕對比大家想像的遠大:「我好希望將中國人、亞洲人嘅嘢帶入荷里活,西方國家對我哋了解唔多,但其實我哋本身都有好多心路歷程,好想將呢啲故事同大家分享,唔單止係佢哋認識嘅亞洲人。」

雖然抱有重大抱負,但人生路上總有遇上挫折的時刻,Kathy坦言曾經質疑過自己的決定:「咁做的確係辛苦,但繼續落去嘅原動力係自己到底想做啲咩,即使好多嘢同香港好唔同,都一定要自己調整,始終唔係有人逼我去,食得鹹魚就要抵得渴,都好多謝香港咁多年對我嘅栽培,畀我儲夠能量,去一個大啲嘅平台發展。」

吳嘉星在《Lady Bloodfight》中功夫了得,她受訪時坦言自己其實零武術底子:「我連跳舞底子都冇,喺紐約Casting時真係乜都唔識,但係覺得自己應該要試咗先,因為如果佢哋鍾意你,佢一定會Train你,我覺得好多時靠『做咗先』呢個衝勁,先行到今時今日呢一步。」(電影畫面)

荷里活和香港地 制度化與人性化

講到香港電影圈和荷里活的異同,Kathy坦言香港的比較人性化:「而荷里活台前幕後做嘢都有Guideline跟住,亦有課程畀你上,好似演技課、形體動作課、發聲課都會提供,當歐洲、亞洲嘅人去到荷里活發展,對佢個體制唔係太清楚時,佢哋亦會開班講解,佢哋亦會教你點樣用Social Media去宣傳自己。」

雖然配套好,但問到會否推薦問香港演藝圈的朋友試試到荷里活發展時,她便指行動前要三思:「我覺得荷里活忙過香港,但成件事同香港一樣咁難,體制唔同、語言唔同。不過,如果係夢想,試都唔試就有啲可惜。」


吳嘉星在首部參演電影《鎗王之王》中與現時已在荷里活插旗的男神吳彥祖合作。(電影畫面)

工作不止拍攝 漫長試鏡過程亦是重點

身為一個荷里活演員,參與拍攝一定是工作的一部分,但絕對不限於此,Kathy直言試鏡亦是重點:「無論你係咪大明星,你都要經歷試鏡嘅過程,都幾繁複,除咗一開始嘅Audition,之後仲會有Call-back,覺得你OK時,又會有個Producer Session,等監製睇下你同其他演員會唔會有火花,可能十幾個裏面揀五個,再度期睇下個期啱唔啱,到Final先決定用你,成個時間好漫長。」她指好多荷里活人,每日都會去Audition,已經是工作一部分:「當然,接受失敗都係工作嘅一部分。」

吳嘉星坦言《La La Land》呈現的試鏡過程與荷里活的真實運作一模一樣,都是好繁複漫長又多步驟,亦是工作、生活的一部分。(黃國立攝)
+6

入影城想起初衷 實現夢想非終點

談到投身荷里活後的難忘事,Kathy最記得是拍攝《Pure Genius》前要到環球影城試衫,自己駕車入城的她從車內望出車外到所看到的情景:「嗰日係Weekend嚟,環球影城裏面有好多Tour,介紹呢個係咩咩Set、嗰個又係咩咩Set,我望坐旅遊巴上嘅遊客,就諗返起當時我啱啱搬到美國就到咗環球影城睇,當時我就係坐喺車上嘅人,我記得我喺度諗,如果有一日,我可以做演員就好,我即刻意識到我夢想係實現咗,好感慨。」夢想實現並非終結,而是另一個夢想的開端,想知道Kathy現在於荷里活有何搞作,以及她的下一步,請留意另一篇文章。


【專訪】前亞姐吳嘉星闖荷里活不止做演員 寫埋劇本為亞洲人爭氣

吳嘉星在新戲《大青樹下》與金馬影后歸亞蕾合作。拍攝完成後,她並未為此而自滿,更着手準備好下一步的工作。(劇照)