【特技人】朱晨麗做「打女」又辛苦又驚：未試過咁大動作量
撰文：林迅景
出版：更新：
《特技人》在8月6日就會正常開播，朱晨麗更是首次擔正大旗做女主角。劇中有大量特技場面，而部份特技鏡頭朱晨麗更是親身上陣。看上似是弱質纖纖的朱晨麗竟飾演特技人擔任替身，實在是令人意想不到。朱晨麗接受《香港01》時談起接拍的原因。「點解吖？公司安排嘅，哈哈哈。我覺得監製都好大膽，因為我從來都冇試過（做特技人），雖然我有做過女警揸過槍，有同人對打，但係都未試過要咁Man，咁大動作量。」
今次「Morning朱」做嘅角色真係唔同晒，搖身一變就變咗特技人。（梁碧玲攝）
做一個特技人，相信對絕大份女演員都是一個敬而遠之的角色，但朱晨麗在接拍之際竟然沒有「絲毫不想拍的心情」，她說：「我好鍾意嘗試新嘢同挑戰自己，首先嚟到香港都係一種挑戰，（最初）我又冇人冇物，唔識聽唔識講，到宜家為止都ok吖，大家都接受咗我，雖然我仲有好多地方需要改善。」2011年，朱晨麗初到香港參加香港小姐競選時，可算是人生路不熟，不過最終都憑著努力而得到觀眾認同。
「Morning朱」講返，其實自己好鍾意接受挑戰，就好似以前嚟香港選香港小姐咁，都係一種挑戰。（梁碧玲攝）
朱晨麗更表示有興趣踏足「打女」的演員路：「我希望呢一套戲出街之後，有更多監製或者導演見到我唔同嘅一面，如果可以開拓打女呢一條路都幾過癮，雖然係辛苦，真係好辛苦，又容易整傷自己，拍嘅時候好驚，但係當你突破咗呢個關口，見到呢個成長（會好開心），可能係因為太辛苦，最後結嘅果你就會覺得好甜。希望大家鍾意啦，因為我哋係夏天拍，真係花咗好多心血。」
+2