【美女廚房】吳卓羲「唔熟唔食」有經驗 爆蕭正楠:佢食咁多好嘢

撰文:
最後更新日期:

吳卓羲日前(4日)到TVB電視城參與新一輯《美女廚房》的錄影,雖然時隔已有十年八載,昔日的TVB當紅小生,今日已成電視電影界的寵兒。不過「出得嚟行就預咗要還」,8年前(2009年6月14日)上過《美女廚房》的吳卓羲,8年後的今日(2017年8月4日)又在《美女廚房》出現。日前吳卓羲參加新一輯《美女廚房》的錄影回憶起8年前食過的菜色。「我記得個蟹,但係佢好嘢吖,入面啲膏係唔熟嘅。」

吳卓羲話唔熟嘅嘢食唔會食落肚。(林迅景攝)

吳卓羲續說:「(食落去咩味?)冇啦,食落去唔熟就即刻𦧲啦,仲食咩。你要了解佢唔係有菌吖,係入面有蟲㗎,所以一唔對路就要𦧲㗎啦。(嗰次有冇食到肚痾?)唔舒服囉,心裏面,驚病吖。(今次做咗咩準備?)預備咗嘔吐袋吖,Bosco仲話大會預備咗十字車同黑箱車。不過你要知道呢度係TVB嚟㗎,十字車同個醫生都可能係假嘅,所以我今次好有經驗㗎啦,有咩唔對路就俾阿Bob食,Edwin(蕭正楠)都喺度,都可以俾佢食,佢食咁多好嘢。」

吳卓羲仲話生嘢就會交俾蕭正楠同阿Bob食。(林迅景攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。