宣萱佘詩曼相繼加盟古天樂公司 開拍電影版《刑事偵緝檔案4》?

撰文:
最後更新日期:

宣萱今日出席灣仔癌症基金會活動,化身成健康大使,講解癌症治療及相關宣傳工作。「起初我聽到癌症喺好驚,因為會聯想到死亡,醫到過程好低,過程亦好痛苦,我身邊亦有朋友cancer走咗,自從自己使咗大使之後,畀到個希望我,去話畀大家知,cancer已經有年輕化咗,唔喺好似以前咁年紀大先有,依加有種治療喺免疫治療,唔再喺傳統電療咁辛苦,相對哋提升返生活上冇咁痛苦。」

宣萱生日會同友食私房菜慶祝(吳子生攝)

無綫晚間重播劇集1999年《刑事偵緝檔案4》由古天樂、宣萱、佘詩曼聯演,依然備受關注,最近佘詩曼加盟古天樂旗下公司,宣萱被問到相隔十年三人會否再度合作,將《刑事》拍成電影版?「哇!我冇諗過,呢個問題問得好好,我覺得呢個idea幾好,趁呢個時候播緊,都可以諗下,不過呢個要問下古仔,因為好多嘢由公司安排,如果啱嘅我都冇所謂。」

8月18日就喺宣萱48歲生日,近日忙拍電影《犯罪現場》,會唔會旅行慶祝?「其實啱啱都去完旅行,不過嚟緊都會再去,都會同朋友食飯,不過呢排都要開工,最好開工前兩日就唔好食飯啦,當晚生日約咗啲朋友食中色私房菜,要一年前book定先有得食。」



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。