【Captain Nancy】薛家燕超英新制服曝光 今次要打咩壞蛋？
撰文：秦志鴻
出版：更新：
萬眾期待......繼Ip Man(葉問)之後，我們香港終於都有一位新的超級英雄加入了！
相信有看過最新一集《復仇者聯盟-無限之戰》的觀眾知道，戲中的終極boss魁隆還有第七顆無限寶石仍未找到，原因是它仍然在薛家燕的額頭之上！而由家燕姐化身，擁有第七顆無限寶石之力的「Captain Nancy」亦終於決定挺身而出！除了以唏呀唏呀唏唏呀唏呀唏去保衞池力共鎮之外，她還有另一個使命！就是要令世界，呀唔係，係全宇宙都一齊跳「十字步！」
當日這張改圖，相信為不少人帶來「無限」歡樂。（網絡圖片）
擁有第七顆無限寶石的Captain Nancy（薛家燕）最初的造型（Facebook）
其實事源是家燕姐近日在facebook上載了一段短片，片中預告Captain Nancy將會出動拯救世界，除了透露了Captain Nancy的最新造型之外，還見到唐文龍、田啟文、林敏驄、邵音音、鄭丹瑞（旦哥）以及胡琳等藝人參與其中，當中旦哥的造型似是化身成「大壞旦哥」，似乎正是Captain Nancy將要對付的目標！
片中的這身打扮，莫非就是Captain Nancy的最新造型？（YouTube）
家燕姐為成就今次的Captain Nancy片而大打人情牌，找來各方好友傾力演出！點擊下圖看看他們在片中的造型！
其實今次這條預告片，是家燕姐化身成Captain Nancy這個計劃的前奏，事源就是文首所提到的第七粒無限寶石，家燕姐：「當時呢部電影《復仇者聯盟-無限之戰》一出嗰陣有好多網絡惡搞片同圖，例如我頭上粒痣畀阿魁隆吸走嗰條咁，咁我阿女見到之後就將我變身為Captain Nancy。點知個反應好好，所以就決定繼續做。而今次呢條片其實就一個音樂MV嘅片段嚟，不過詳情而家仲未公布得。」
現時Captain Nancy的全副造型仍然是個謎（youtube）
問家燕姐Captain Nancy的使命？她笑言：「首要當然係用唏呀唏呀唏唏呀唏呀唏去保衞池力共鎮啦！然後我係希望全世界，啊，應該係全宇宙都跟我一齊跳十字步！其實呢個十字步仲有第二個意思嘅，就係『拾自步』，即係希望大家拾回自己嘅步伐，好有意義㗎。」
家燕姐：8月13日，Captain Nancy就會正式出動！