苟芸慧「幸福瘦」仍然不滿:女生永遠都唔會滿意

撰文:
最後更新日期:

準人妻苟芸慧昨日(10日)出席香水品牌活動,每次苟姑娘出席活動,感覺上佢每見一次就瘦一次,苟姑娘對自己而家嘅身型滿意未?苟姑娘笑言女生永遠都唔會滿意自己身材:「不過最近真係健康咗好多,自己心態可能開心咗,好多人讚我唔同咗。」其實苟姑娘嘅變化係乜?係太幸福?苟姑娘直言:「笑得多咗,其他人覺得我好Sweet。」

苟芸慧笑言最近大家都話佢好幸福。(葉志明攝)

婚禮即將來臨,緊張未?苟姑娘表示十分期待:「好多事情唔知道係點,好多事情係佢(陸漢洋)處理,所以好期待有一個好Sweet嘅婚禮。」咁苟姑娘渴望要一個世紀級婚禮?苟姑娘直言唔需要:「我哋希望細規模啲,可以同每一個嘉賓有交流。」

苟芸慧婚禮在即,表示好多事情都係未婚夫處理。(葉志明攝)

早前「處女黨」一眾好姊妹相約聚會,將照片發佈上社交網站,相中唯獨缺少喺加拿大安胎嘅鍾嘉欣,不少網民誤以為王君馨、岑麗香、李亞男及苟芸慧出國旅遊,苟姑娘回應:「其實我哋想去旅行,但大家好難夾時間,所以只搵到一個食飯位好似旅行咁。」苟姑娘講到女生圍繞討論話題,你懂的。

+5
+4
+3


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。