女神林泳淘小背心出外景 牽動網民心：都唔喺好性感
撰文：吳子生
出版：更新：
林泳淘（wingto)今日（11）出席銅鑼灣TVB《夏日VR明星決戰》活動，更與機迷大玩VR電玩，唔知喺咪玩到過份頭入，走出咗範圍，差啲連條電線都扯甩埋。「自己都冇留意條電線，玩嘅時候太過緊張，自己本身手腳又唔協調，然後左右又分得唔喺好好嗰啲人，雖然我成日打機，可能太耐冇訓練自己，打手遊打得太多，手指就好靈活，但玩全身嘅啲遊戲，控制到對手，又控制唔到對腳，啱啱自己都好混亂，諗番都有啲驚，其實自己都幾鍾意打遊戲機,自從出嚟做咗嘢之後，冇乜時間打，依家通常都係打手遊多啲。」
wingto表示男朋友唔介意衣著性感，最緊要唔好走光就得（吳子生攝）
今日雨天關係，wingto著得比較密實，一眾男粉絲失望而回，最前因主持無線《東張西望》在鏡頭前著咗件性感小背心，驕人身材頓顯眼前，引起一眾網民熱烈討論，人氣急升。「其實好多時我哋都會出外景，好多時會天氣都會好熱，無可能要著好多件衫，其實呢排天氣真喺好熱，我哋要暴曬，所以著得清涼啲，事後我都有問番啲朋友，乜當日做節目件衫好性感咩，佢哋話唔喺，都喺一件背心嚟啫。」
wingto好鐘意打機，一得閒就會打手遊（吳子生攝）