李佳芯婚後想唔想有小朋友? 「嗰個moment想做嘅時候咪做囉」

撰文:
最後更新日期:

《BB來了》中,飾演新手媽媽唐恬兒(Ellen)的李佳芯(Ali)演技再一次得到觀眾肯定。今日Ali出席商場「美少女戰士」活動時就獻唱了《給自己的情書》,高音甜低音準,原來Ali也是唱得之人。Ali接受《香港01》訪問時說:「總括大家都覺得我唱得幾好,其實我已經好開心。」

Ali BB真係好靚吖。(葉志明攝)

Ali透露,其實自己平常因拍劇已佔據自己大部份時間,所以並沒有時間練習唱歌。「本身唱歌已經用咗我9成9時間,所以唱歌只可以出Event之前爭取時間去練。」問到為何會選擇這首《給自己的情書》歌曲時,她說:「我好衰嘅,一定要自己鍾意嗰首歌先會想唱。因為我成日覺得(唱歌)呢啲都係舒發感受嘅嘢,如果揀一首冇Feel嘅歌,會唱得冇咁開心囉。」

今日Ali又大開金口唱歌,真係好好聽㗎。(葉志明攝)

Ali表示拍完《BB來了》之後,令她有了自己唱劇集主題曲的意向。「如果自己拍套劇,主題曲又係自己唱埋,個感覺就好似好完滿咁。拍完《BB來了》我有一刻有呢個感覺,咁當然都要睇公司安排,其實我自問我只係有進步啫,我希望我唱得再好啲先至唱主題曲。」說到《BB來了》,不知道Ali拍完之後會否有了當媽媽的慾望呢?Ali打趣說道:「我都做過好多小三角色,如果我每次做完之後都想做人小三,其實都幾『幣傢伙』。但係我拍完之後反而了解到做媽媽嘅辛苦,同埋了解到阿媽真係超人嚟嘅,冇嘢難得到佢。」

個個網民都覺得Ali佢係100%完美女友,唔知遲啲會唔會變成100%完美老婆呢?(葉志明攝)

女孩子結婚,總有些人想要小朋友,又或者不想要生小朋友。到底Ali是屬於哪一派呢?「我覺得我兩樣都唔係,因為我從來都冇諗過我要做啲乜。我細個會諗囉,會諗我廿八歲前一定會結婚生小朋友,但係隨住我事業咁遲先起步,我發覺好多嘢都冇得Plan,就連我工作都Plan唔到嘅時間,感情同生小朋友更加係冇得Plan。我覺得去到嗰個moment想做嘅時候咪做囉。(結婚呢?)近排好多人都吹我,哈哈,自己又覺得隨緣,手頭上我又有劇做緊,而結婚我又唔想咁倉瘁,所以就冇呢個計劃。咁到有呢個計劃嘅時候,咪結囉。」

+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。