【鄭嘉穎陳凱琳結婚】接新娘唱《一千個願意》 仲要揹住行200呎

撰文:
最後更新日期:

鄭嘉穎、陳凱琳於今日正式在在峇里Bvlgari Resort舉行婚禮,在今日早上,嘉穎進行接新娘儀式,阿Grace要求下,他更唱出自己首本名曲《一千個願意》,跟住又將Grace抱起,由走廊行入大廳,足足200 呎路程,向雙方家長進行斟茶儀式,好似好辛苦!不過嘉穎就話:「無辦法喇,為咗娶老婆,乜都要做㗎喇。今次算好簡單㗎喇,其實佢哋,Grace嗰邊嘅伴娘,都係好易話為,所以剩係唱咗首歌同揹咗佢出去,多謝佢哋。」

鄭嘉穎陳凱琳結婚,Sweet到呢。

+3
+2

今次鄭嘉穎和陳凱琳的婚禮可算是神秘中舉行,大家都是一個月左右前才得知,但原來一眾親朋好友早在幾個月前先收到知會,嘉穎說:「我喺度要好多謝每一位參加我哋婚禮嘅朋友,遠道而嚟,其實喺4,5個月前已經通知咗佢哋,因為佢哋要度期、工作關係,亦都好多謝佢哋百忙中抽空嚟見證我哋婚禮。今日係感動嘅,我見到Grace行入教堂已經忍唔住,流咗兩滴馬尿,亦都好感觸大家講咗好多真心話,其實我覺得我哋嘅婚禮係比其他婚禮唔同嘅,因為有一段除咗好公式嘅嘢,我哋自己都講咗一段心目中對對方嘅感覺,呢一段係我兩個都好感動嘅。多謝大家嘅祝福,多謝晒,希望你哋明白我哋係想一切從簡而隆重嘅,所以就唔通知大家。」祝兩位新人白頭到老喇!

陳凱琳裙褂Look好靚!

【鄭嘉穎陳凱琳結婚】3年「父女戀」終成正果 細數兩人甜蜜情史

鄭嘉穎陳凱琳宣誓,好動人。

至於Grace,亦都有講到自己的感受:「到我哋行禮之前,我叫嘉穎快啲去咗教堂先,因為我唔想俾佢睇到我著呢條婚紗,因為從來都無見過。當我自己著起呢條婚紗,我就突然之間個肚好似『羅羅攣』咁,因為好緊張,心跳又加速。當我去到教堂前面,音樂一起,我翹住爸爸行入嚟,嗰一刻我見到全部人企起身去歡迎我哋,同埋替我哋開心,我就覺得我哋一直舖排終於成事。我行到尾嘅時候,其實我都一直忍住唔想喊,但我一望住嘉穎,佢已經流咗一滴眼淚,我都估唔到佢會早過我喊,所以我都忍唔住。呢個感覺真係超現實,好開心有一個咁好嘅老公,亦好期待我哋將來嘅幸福快樂,雖然知道婚姻有好多個階段,但喺呢一刻我已經係最開心。」

【鄭嘉穎陳凱琳結婚】兩人甜蜜影婚紗相 兩對鑽石耳環加埋約50萬

【鄭嘉穎陳凱琳結婚】精心挑選Marry Me系列婚戒勁甜蜜$63000有找

希望鄭嘉穎陳凱琳一直甜蜜落去。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。