出$500尋銀包遭網民揶揄 袁偉豪：呢啲係誠意
袁偉豪日前於深水埗遺失銀包，但至今仍然遍尋無鑊，只能利用大半天的假期走訪各地去補領証件，慶幸最近留港工作的他未有因此事而受到影響，唯一不便之處就是駕照遺失後不能以愛驅代步，袁偉豪回應稱：「雖然我知道唔見銀包當日如果報咗警，係可以渣走架車嘅，不過我噚日都無渣走。都係小心啲好，而家啲網民𥄫得我咁實。」
其實袁偉豪遺失銀包後，除了報案之外，亦即時在自己的Facebook留言，希望如果有人發現或拾獲銀包後可以將其歸還，並報以薄酬$500。不過此舉郤惹來網民批評出手太低，於是乎袁偉豪決定加碼至$5,000酬勞，結果又遭網民批評炫富，袁偉豪：「我都唔知得罪咗佢哋啲咩。」
$500酬勞係唔識計數？
《香港01》記者瀏覽袁偉豪的Facebook後發現這篇「尋物啟示」已被刪除，他解釋說：「係咩？可能我唔小心del咗，原先我只係想刪咗啲負面嘅留言，因為我唔想畀啲來者不善嘅人影響到自己個fanpage。」其實袁偉豪最初出酬勞尋銀包只是希望買回時間，始終要補領所有証件太過麻煩，但他自己卻想不到此事亦惹來網民的不滿：「啲人話我銀包有幾千蚊，但出得$500酬勞係唔識計數出手太低。但其實有人執到我都預咗入面會無晒啲。路不拾遺係一種美德，如果真係有人執到畀返我，我都會希望報答返佢，呢啲係誠意。咁如果$500係唔夠誠意，咁我咪畀多啲，但結果出到$5,000又畀人話炫富，但其實我真係唔係想show off，我只係想搵返個銀包。（個銀包入面有啲有記念價值嘅嘢？）好彩就無，不過個銀包係寶兒送畀我嘅。」
袁偉豪與網民關係差
袁偉豪承認自己會因為見到負面留言而感到不安，但明白到自己不能控制別人的評論，現在只能學習將惡意留言當作視而不見：「之前又話我借阿爸嘅死嚟宣傳會有報應呀，又話我護花，其實我自己都唔明點解好似得罪咗佢哋咁。」
其實袁偉豪被網民批評，已經不是第一次，記憶之中是在他與岑杏賢分手的消息傳出後，事隔9個月承與張寶兒拍拖開始被斥。當中最激烈的一次應該是張寶兒在一次活動上笑住回應袁偉豪父親的病情，及後她在袁父去世後的ig感觸文又被指賣廣告，最近一次則是張寶兒在余德丞出事昏迷後在交網站甫黑白合照，結果被鬧爆黑心，而每次袁偉豪為女友發聲就會繼而被轟「護花」。