【港姐2018】陳靜堯髮型激似米雪姐 自嘲係「Lion」:試下新嘢

撰文:
最後更新日期:

唔少網民都笑陳靜堯佢係「得罪咗髮型師」。(大會圖片)

《香港小姐2018競選》進入決賽月,相信每位佳麗都已經做足準備迎戰。日前TVB就發佈了一系列的佳麗官方造型照。雖然靚唔靚就見人見智,不過該輯造型照隨即就被網民熱烈討論,有不少網友更認為造型滲出陣陣「大媽味」,其中8號的陳靜堯(Claudia)的髮型與米雪姐有九成九相似,形容是「得罪咗髮型師」。

連陳靜堯自己都笑自己係獅子,冇返咁上下EQ真係做唔到。(網上截圖)

不過陳靜堯在個人Instagram上說笑自嘲為「Lion」(獅子頭),真係有EQ又諗法正面。Claudia接受《香港01》訪問時説:「我覺得一幅相一個造型,試下新嘢冇乜問題。我個人係鍾意改變,唔試過唔知適唔適合自己。(自己覺得適唔適合?)我覺得都啱我,都襯得起。(係個髮型襯你,定你襯個髮型?)兩樣都襯,哈哈哈。」如果陳靜堯認為這個突出的髮型適合自己的話,又會不會考慮轉個形象維持這個髮型?她回答說:「我個人真係唔會咁誇,因為佢(髮型)真係走High-end Fashion。我個人出街係比較單調同Simple。」睇真啲,雖然「Lion」好特別,但係都係平時個髮型襯佢多啲。

陳靜堯真人個髮型其實低調好多。(粱碧玲攝)

+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。