【港姐2018】2號庄嘉慧全身生風癩：個樣好似俾水熱水燙傷
撰文：黃欣華
出版：更新：
《2018香港小姐競選》20位候選佳麗今日（15日）去到銅鑼灣出席活動。2號庄嘉慧參選以嚟，接連發現意外，先是跌傷左膝需縫針，又在打針後又出現皮膚敏感搞到全身生滿風疹。今日着上大會安排嘅T恤短褲，庄嘉慧明顯風癩未好，除了手腳浮現淡紅色嘅疹外，連頸部都唔例外。
雖然全身生滿風疹，但都無阻庄嘉慧心情。〈陳順禎攝〉
【港姐2018】陳苑澄潮玩Kiki Challenge疑犯法 今日露面點拆彈？
講起初初發生自己皮膚出現狀況，庄嘉慧都坦言嚇餐飽：「我嗰陣時嘅情況，你哋係想像唔到幾恐怖。一開始係一點點，睇完醫生夜晚就發咗出嚟，好誇張，係成個樣好似畀水熱水燙傷，而且塊面好嚴重。但醫生話好小事，叫我唔咁擔心，其實只要唔係永久性，時間可以恢復到，我都覺得OK。」
庄嘉慧稱已經好返好多。〈陳順禎攝〉
雖然風癩未癒，但庄嘉慧就唔擔心病情會影響比賽，她坦言：「唔驚，因為我一個禮拜已經好好多，所以我相信決賽嘅時候我已經好返晒，所以我完全唔擔心會影響比賽。而且我依家精神同身體狀態都OK，所以唔會再缺席，會全力以赴比賽，我亦相信到決賽當晚我會100%好返晒。」