【2018美食節】傅嘉莉嘆藝員表面風光:背後好大壓力!

撰文:
最後更新日期:

傅嘉莉(Kelly)獲邀出席灣仔美食博覽2018《My Tv Super 星級饌賞》活動。與名廚黃筠財聯手即場烹煮兩道精美佳餚,同場有美女主持岑杏賢擔任司儀。

kelly(中)覺得人生中總會有起有跌,有不同經歷先學會成長。(陳順禎攝)

早前上無綫節目《美女廚房》傅嘉莉孖住沈卓盈合作自選炮製菜式,獲評判給滿分。「冇諗過我哋兩個真喺可以攞滿分嘅,真喺意料之外,煮嘢食嗰種滿足感真喺好唔同,呢樣嘢都會激發起我喺煮嘢食方面鑽研下,其實上呢個節目前都有睇吓肥媽同鼎爺學習一啲技巧,真喺有幫助,自己鍾意食中菜,有跟佢哋煮過幾次,算喺有煮嘢食嘅經驗。」

無綫劇集《特技人》現正熱播,Kelly日前在網上有感而發,指自己跟角色「津津」遭遇過的辛酸好相似,原來角色上添加咗Kelly曾發生過的事。「好感恩有呢個角色,好多謝編劇上面好用心,喺我哋開劇前不停溝通,想喺角色上有Kelly曾經歷過嘅故事,所以會喺25集裡面一啲場口會感受到,正正戲裡面嘅「津津」角色,就喺我做過嘅嘢,所以真喺好多經歷,我好透過呢次機會,話畀大家知,雖然你哋見到幕前我好風光好靚,背後我喺屋企生活係點啊,點樣面對壓力,好想畀大家睇到,透過呢個劇可以接觸到我哋,我覺得好有意思。」

kelly表示在《美女廚房》能攞滿分,感到很意外。(陳順禎攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。