鄧麗欣七夕曬合照放閃 王子：謝謝善良貼心的妳my girl
撰文：鄺鈺瑩
出版：更新：
遇上王子之後，鄧麗欣啲少女心即時出晒嚟。
鄧麗欣自從公開認愛邱勝翊（王子）之後，一改以往拍拖低調嘅習慣，日前更以同王子以情侶裝遊花蓮，真係sweet到暈。適逢七夕中國情人節，鄧麗欣又會點放閃呢？前晚佢就喺ig上載咗一張合照，雖然係用咕𠱸遮住咗個樣，但相信大家都估到係邊個啦，鄧麗欣留言表示：「聽說...兩個人最遠的距離是我在你身邊你卻看着手機，如果彼此珍惜每個相處的時間，儘管牛郎織女一年一會，心的連接依然不斷，七夕情人節快樂。」
王子自己最近都有新戲上，但當然係幫女朋友宣傳緊要啲啦。
而王子之後除了以「happy Chinese Valentine’s Day my girl.」作為回覆之外，亦在自己的ig上載鄧麗欣新戲的海報，並表示：「支持一下 七夕情人節快樂 謝謝善良貼心的妳！」之後更hashtag「感恩珍惜一起度過的時光」。呢種閃法真係唔係個個頂得順，粉絲紛紛給讚並祝福二人要一直幸福，亦有留言指「有個永遠撐自己又細心體貼的男人真係羨慕。」