【特技人】朱晨麗究竟有幾重？ 譚俊彥縫完廿針都抱得起！無爆線
撰文：秦志鴻
出版：更新：
無綫小花朱晨麗在主演的新劇《特技人》中除了需應付多場動作戲之外，與「大師兄」譚俊彥亦有感情線，日前播出的二人結婚「戲中戲」，最後譚俊彥更型爆抱起朱晨麗逃走。
譚俊彥受傷入院縫廿多針後仍堅持工作，果然專業！（劇照）
其實在鏡頭背後，譚俊彥有苦自己知，因為拍攝該場戲份前一天，譚俊彥在拍攝中途手部受傷入院縫廿多針，翌日便要繼續拍動作戲兼抱起朱晨麗，實在令朱朱非常擔心：「因為佢要抱起我，我驚佢隻手個傷口爆，所以我自己都有就力，令佢冇咁辛苦，好在最後拍幾次就OK！」
朱朱與譚俊彥第一次合作就演倩侶，而且還有kiss戲！
講到與譚俊彥合作，朱晨麗大讚對方表現淡定，她說：「真係好似『大師兄』咁，好照顧我哋成TEAM人，記得舊年開工頭幾日佢生日，我就準備咗個蛋糕一齊慶祝，當時大家都未熟，佢有少少尷尬，不過好好快熟絡，最深刻係同拍KISS戲，因為當時佢個仔出世第2日，成個劇組都戥佢再做爸爸開心，我覺得譚俊彥直頭係大贏家，太太生完第2日就KISS第二個，好有艷福！」
朱朱知道譚俊彥生日，開工期間特意買蛋糕與他慶祝