【延禧攻略】番外篇超虐心 瓔珞女兒愛上傅恆之子

撰文:鄺鈺瑩
出版:更新:
瓔珞同乾隆都認庶昭華公主有太后呢個強勁後台,所以婚姻大事完全唔需耍擔心,但相信佢哋都信唔到昭華公主會愛上福康安。

成功掀起追劇熱嘅《延禧攻略》於內地快將進播出第70集大結局,正當觀眾表示不捨之際,製作人于正日前就透過微博公佈:「透露一下延禧二的故事:前緣再續,非遺再傳,唯獨愛與美食不可辜負~」雖然未有提到續集具體拍攝日期,不過相信快極都要明年先會見街……不過,喺等待的同時,於劇集飾演魏瓔珞女兒「昭華公主」嘅內地女星王鶴潤日前就證實《延》番外篇將會畢日播出!

爾晴到底有無「爬龍床」,相信連乾隆本人都唔係好知道。

吳謹言飾演的魏瓔珞於劇中為乾隆誕下四子兩女後,兩位公主一直交由皇太后照顧,皇后佘詩曼雖然曾提議為兩位公主揀選駙馬,但就被乾隆一口拒絕。有指《延》番外篇,將會講到昭華公主愛上爾晴所生的兒子福康安,回帶一下:爾晴喺富察皇后經歷喪子之痛時,竟自爆曾經「爬龍床」,令富察皇后生無可戀自盡,魏瓔珞有幾憎爾晴可想而知。如今番外篇講述女兒愛上世仇之子,真係有夠虐心。

雖然知道福康安唔係自己親生仔,但傅恆喺爾晴死後都好好照顧。
飾演福康安嘅內地男星王一哲於微博表示期待番外篇,並上載了幾張劇照。

另外,福康安到底係未「龍之子」,於正劇一直未有交代過,唔少網民都估福康安生父大有可能係傅恆四弟傅謙,之前有網友問製作人于正爾晴同皇上有一腿時,佢就以「放心,沒睡」作回應,間接證實福康安身世之謎。

於正劇中,瓔珞得知爾晴先係害死富察皇后嘅兇手後,直接將佢處死。
弘晝(皇弟)所生的女兒亦將會在《延》番外篇中愛上福康安,同昭華公主一齊爭仔。