【降魔的】續集鐵定明年初開拍 編審羅佩清:劇情再刺激啲!

撰文:
最後更新日期:

由馬國明、黃智雯、胡鴻鈞和劉佩玥主演的《降魔的》雖然在《萬千星輝頒獎典禮2017》中失落「最佳劇集」,但因為播出時候叫好叫座,所以好多觀眾都非常落力地要求無綫電視(TVB)開拍續集。《降魔的》編審羅佩清1月時便在網上透露劇集即將有續集,惟一直只聽樓梯響,所有細節仍未落實。不過,最近《香港01》收到消息,指《降魔的》續集已經鐵定在下年年初正式開拍!

《降魔的》在2017年10月30日首播,全劇平均收視24.7點,在《萬千星輝頒獎典禮2017》中獲得「全球網民最喜愛劇集」獎項,亦橫掃其他非無綫官方舉行的電視獎。(海報)

一向口密的馬國明接受《香港01》訪問時便指《降魔的》續集「好似係」下年年初先正式開拍:「等公司公布啦!」而飾演「龍貓」的何遠東就確定開拍消息,但提到他在戲中已經意外身亡兼投胎,問他會否翻生時,他即賣關子:「真係唔知喎,你要問下觀眾同埋監製、編審想唔想喎!」

至於羅佩清受訪時便透露續集將繼續以原班人馬演出,講到「石敢當」胡鴻鈞、「有為」蔣志光已消失時,她便向觀眾大派定心丸:「佢哋都會出現,係以特別嘅方式出現!」而劇情則會側重於已成靈魂的「啤啤」劉佩玥學習魔法之路,以及馬國明如何成為一個出色的驅魔人:「劇情因應角色成長而刺激咗!」

《降魔的》大結局已揭示馬國明踏上驅魔人之路,編審羅佩清指續集劇集會更緊張刺激。(劇照)

+8
+7
+6

提到之前續集或以《降魔的之十字路口》為名,問是否已經確定?羅佩清坦言仍未確定:「呢個就未落實喇,要等老細決定。(之前反應咁好,今次係唔係有多啲預算?)有適量調整!」那麼是否寫劇本時都「放」一點、寫得視覺上繽紛一點?羅佩清說:「呢套劇始終唔係特效片,特效嘅嘢都係應用則用,原則係特效服務劇情,而不是本末倒置要劇情服務特效。」

編審羅佩清透露已消失的角色將會以特別方式重現人前。(資料圖片)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。